ജില്ലയില്‍ പ്രവര്‍ത്തിക്കുന്നത് 109 സാമൂഹിക അടുക്കളകള്‍
മലപ്പുറം : കോവിഡ് 19 വൈറസ് ഭീഷണി ചെറുക്കാന്‍ രാജ്യ വ്യാപകമായി ലോക് ഡൗണ്‍ പ്രഖ്യാപിച്ച സാഹചര്യത്തില്‍ ജില്ലയില്‍ ഭക്ഷണ ലഭ്യത ഉറപ്പുവരുത്താന്‍ വിപുലമായ സംവിധാനങ്ങളാണ് പ്രവര്‍ത്തിക്കുന്നത്. ഗ്രാമ പഞ്ചായത്തുകളിലും നഗരസഭകളിലുമായി 109 സാമൂഹിക അടുക്കളകളില്‍ നിന്നായി ഇന്നലെ (മാര്‍ച്ച് 30) 2,304 പേര്‍ക്ക് പ്രാതലും 34,262 പേര്‍ക്ക് ഉച്ചഭക്ഷണവും 9,601 പേര്‍ക്ക് അത്താഴവും വിതരണം ചെയ്തു.94 ഗ്രാമ പഞ്ചായത്തുകളിലും 12 നഗരസഭകളിലും സാമൂഹിക അടുക്കളകള്‍ പ്രവര്‍ത്തിക്കുണ്ട്. ഇതില്‍ പൊന്മള, ഒതുക്കുങ്ങല്‍ ഗ്രാമപഞ്ചായത്തുകളിലും കൊണ്ടോട്ടി നഗരസഭയിലും രണ്ടു വീതം അടുക്കളകളാണ് സജ്ജീകരിച്ചിരിക്കുന്നത്. പാകം ചെയ്ത ഭക്ഷണം പ്രത്യേകം ചുമതലപ്പെടുത്തിയ വളണ്ടിയര്‍മാര്‍ വഴിയാണ് തദ്ദേശ സ്വയംഭരണ സ്ഥാപനങ്ങള്‍ വിതരണം ചെയ്യുന്നത്
........... ഭയം വേണ്ട ! ജാഗ്രത മതി ! ..........
നിരീക്ഷണത്തിലുള്ള വരെ പരിചരിക്കുന്നവര്‍ ശ്രദ്ധിക്കേണ്ട കാര്യങ്ങള്‍
- പരിചരണ സമയത്ത് മാസ്‌ക് ധരിക്കുക.
- പരിചരണത്തിന് ശേഷം കൈകള്‍ നല്ലപോലെ കഴുകി ശരിയായരീതിയില്‍ സംസ്‌കരിക്കുകയും ചെയുക.
- പരിചരിക്കുന്നയാള്‍ അല്ലാതെ മറ്റാരും മുറിയില്‍ പ്രവേശിക്കരുത്.
- നീരിക്ഷണത്തില്‍ ഇരിക്കുന്ന ആള്‍ വീട്ടില്‍ മറ്റുള്ളവരുമായി അടുത്തിടപഴകുന്നത് ഒഴിവാക്കുക.
നീരിക്ഷണത്തില്‍ ഉള്ള വ്യക്തിയുടെ വീട്ടില്‍ ചെറിയ കുട്ടികള്‍, വൃദ്ധര്‍, ഗുരുതര രോഗബാധിതര്‍, ഗര്‍ഭിണികള്‍ എന്നിവര്‍ ഉണ്ടെങ്കില്‍ മാറി താമസിക്കുക കുടുംബാംഗങ്ങള്‍ തമ്മില്‍ സാമൂഹിക അകലം പാലിക്കുക.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !