വളാഞ്ചേരിയിലെ കടകളിൽ വിജിലൻസിന്റെ മിന്നൽ പരിശോധന; ക്രമക്കേടുകൾ കണ്ടെത്തി

വളാഞ്ചേരി: കൊറോണ വ്യാപനവുമായി ബന്ധപ്പെട്ട് വിജിലൻസ് ഡയറക്ടറുടെ  ഉത്തരവ് പ്രകാരം അവശ്യ വസ്തുക്കളുടെ കരിഞ്ചന്തയും പൂഴ്ത്തിവെപ്പും, അമിത വില ഈടാക്കുന്നതും തടയുന്നതിന്റെ ഭാഗമായി മലപ്പുറം DYSP A രാമചന്ദ്രന്റ നിർദേശപ്രകാരം ഇൻസ്പെക്ടർ സി.യുസഫിന്റെ  നേത്യത്വത്തിലുള്ള വിജിലൻസ് സംഘം വളാഞ്ചേരി ടൗണിൽ പരിശോധന നടത്തി. 
നിത്യേപയോഗ സാധനങ്ങൾ വിൽപ്പന നടത്തുന്ന കടകളിലും പച്ചക്കറി കടകളിലുമാണ് മിന്നൽ പരിശോധന നടന്നത്.  മിന്നൽ പരിശോധനയിൽ നിരവധി ക്രമക്കേടുകളും വിജിലൻസ് സംഘം കണ്ടെത്തി.  ടൗണിൽ അമിത വില ഈടാക്കി പച്ചക്കറികൾ വിൽപ്പന നടത്തുന്ന  മൂന്ന് പച്ചക്കറി കടകളും അഞ്ച് കടകളിൽ വില നിലവാര പട്ടിക പ്രദർശിപ്പിക്കാതെ  നിത്യോപയോഗ സാധനങ്ങൾ വിൽപ്പന നടത്തുന്നതായും കണ്ടെത്തിയതായി വിജിലൻസ് സംഘം അറിയിച്ചു.  ഇത്തരം  കടയുടമകൾക്കെതിരെ കർശന നടപടി സ്വീകരിക്കുന്നതിനായി തിരൂർ  താലൂക്ക് സപ്ലെ ഓഫീസർക്ക് നടപടി എടുക്കുന്നതിന് വേണ്ടി റിപ്പോർട്ട് നൽകിയെന്നും സംഘം പറഞ്ഞു . 

വിജിലൻസ് സംഘത്തിൽ വിജിലൻസ് ഇൻസ്പെക്ടർ സി.യുസഫ്,SI.മുഹമ്മദാലി, ASI.മോഹനകൃഷ്ണൻ, SCPO  മാരായ അബ്ദുസമീർ, സിദ്ധിഖ് രത്നകുമാരി, ജസീർ എന്നിവരും കൂടാതെ വളാഞ്ചേരി സ്പെഷ്യൽ ബ്രാഞ്ച് പോലീസ് ഓഫീസർ നസീർ തിരൂർക്കാട് എന്നിവരും ഉണ്ടായിരുന്നു.
വരും ദിവസങ്ങളിലും അവശ്യവസ്തുക്കളുടെ കരിഞ്ചന്തയും പൂഴ്ത്തിവെപ്പും അമിത വില ഈടാക്കുന്നതു തടയുന്നതിനായി കടകളിൽ പരിശോധന നടത്തി കുറ്റക്കാർക്കെതിരെ കർശന നിയമ നടപടികൾ സ്വീകരിക്കു മെന്ന് മലപ്പുറം വിജിലൻസ് DYSP അറിയിച്ചു.


find Mediavision TV on social media

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ്  ന്റെ WhatsApp  ഗ്രൂപ്പിൽ അംഗമാവുക !