കോവിഡ് വൈറസ് രോഗബാധ അനുദിനം വർദ്ധിക്കുന്ന സാഹചര്യത്തിൽ കേരളത്തിൽ ആരോഗ്യ അടിയന്തരാവസ്ഥ പ്രഖ്യാപിക്കണമെന്ന് ഇന്ത്യൻ മെഡിക്കൽ അസോസിയേഷൻ(ഐ.എം.എ).
കോവിഡ് വ്യാപനം അതിരൂക്ഷമായ പശ്ചാത്തലത്തിൽ രോഗവ്യാപനം തടയാൻ കർശന നടപടി വേണമെന്ന് കാട്ടി ഐ.എം.എ മുഖ്യമന്ത്രി പിണറായി വിജയന് കത്ത് നൽകുമെന്ന് ഭാരവാഹികൾ പറഞ്ഞു.
സംസ്ഥാനത്ത് മരണ നിരക്ക് താരതമ്യേന കുറവാണെങ്കിലും, രോഗവ്യാപനം വളരെ കൂടുതലാണ്. ഇത് ഗൗരവമായി കാണാതിരുന്നുകൂടാ. ലോക്ഡൗൺ വേണമെന്ന് ആവശ്യപ്പെടുന്നില്ല. എന്നാൽ സാമൂഹിക നിയന്ത്രണങ്ങൾ കർശനമായി പാലിക്കപ്പെടുന്നു എന്നുറപ്പാക്കേണ്ടതാണെന്നും ഐ.എം.എ പറയുന്നു.
ആളുകൾ കൂട്ടം കൂടിയുള്ള സമരമുറകൾ അടിയന്തരമായി അവസാനിപ്പിക്കണം. ടെസ്റ്റുകൾ വർധിപ്പിക്കണം. റിവേഴ്‌സ് ക്വാറന്റൈൻ കർശനമായി നടപ്പാക്കി, പ്രായമായവരും കുട്ടികളും സുരക്ഷിതരാണെന്ന് ഉറപ്പാക്കണമെന്നും ഐ.എം.എ ആവശ്യപ്പെടുന്നു.
ഐഎംഎ ദേശീയ തലത്തിൽ നടത്തിയ പഠനത്തിൽ കേരളം വളരെ ഗുരുതരമായ അവസ്ഥയിലേക്കാണ് പോകുന്നതെന്ന് കണ്ടെത്തിയതായും ഐഎംഎ പ്രസിഡന്റ് എബ്രഹാം വർഗീസ് പറഞ്ഞു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !