ചഹലിന് ഹാട്രിക്; ക്കൊൽ​ക്ക​ത്തക്കെതിരെ രാ​ജ​സ്ഥാ​ന് ഉജ്ജ്വല വിജയം

മും​ബൈ: ഐ​പി​എ​ൽ ട്വ​ന്‍റി-20 ക്രി​ക്ക​റ്റി​ൽ രാ​ജ​സ്ഥാ​ൻ റോ​യ​ൽ​സി​ന് ത്ര​സി​പ്പി​ക്കു​ന്ന ജ​യം. കോ​ൽ​ക്ക​ത്ത നൈ​റ്റ് റൈ​ഡേ​ഴ്സി​നെ ഏ​ഴ് റൺസിനാണ് രാ​ജ​സ്ഥാ​ൻ കീ​ഴ​ട​ക്കി​യ​ത്. ബ​ട്‌​ല​ർ സെ​ഞ്ചു​റി നേ​ടി​യ മ​ത്സ​ര​ത്തി​ൽ അ​ഞ്ച് വി​ക്ക​റ്റു​ക​ൾ വീ​ഴ്ത്തി​യാ​ണ് യു​സ്‌​വേ​ന്ദ്ര ചാ​ഹ​ൽ രാ​ജ​സ്ഥാ​ന്‍റെ വി​ജ​യം ആ​ഘോ​ഷ​മാ​ക്കി​യ​ത്. സ്കോർ: രാജസ്ഥാൻ 217-5, കോൽക്കത്ത 210-10.

രാ​ജ​സ്ഥാ​ൻ ഉ​യ​ർ​ത്തി​യ 218 റ​ണ്‍​സ് വി​ജ​യ​ല​ക്ഷ്യം പി​ന്തു​ട​ർ​ന്ന കോ​ൽ​ക്ക​ത്ത​യ്ക്കാ​യി നാ​യ​ക​ൻ ശ്രേ​യ​സ് അ​യ്യ​ർ ത​ക​ർ​പ്പ​ൻ പ്ര​ക​ട​ന​മാ​ണ് കാ​ഴ്ച​വ​ച്ച​ത്. ആ​രോ​ണ്‍ ഫി​ഞ്ചി​നെ ഒ​പ്പം ചേ​ർ​ത്ത് 107 റ​ണ്‍​സി​ന്‍റെ കൂ​ട്ടു​കെ​ട്ടാ​ണ് അ​യ്യ​ർ പ​ടു​ത്തു​യ​ർ​ത്ത​ത്.

28 പ​ന്തി​ൽ 58 റ​ണ്‍​സാ​ണ് ഫി​ഞ്ച് അ​ടി​ച്ചെ​ടു​ത്ത​ത്. 51 പ​ന്തി​ൽ നാ​ല് ഫോ​റും ഏ​ഴ് സി​ക്സും ഉ​ൾ​പ്പെ​ടെ 85 റ​ണ്‍​സാ​ണ് അ​യ്യ​ർ നേ​ടി​യ​ത്. നി​തീ​ഷ് റാ​ണ 18 റ​ണ്‍​സും ഉ​മേ​ഷ് യാ​ദ​വ് 21 റ​ണ്‍​സും നേ​ടി. മ​റ്റാ​ർ​ക്കും ര​ണ്ട​ക്കം കാ​ണാ​ൻ സാ​ധി​ച്ചി​ല്ല. സു​നി​ൽ ന​രെ​യ്ൻ, ആ​ന്ദ്രെ റ​സ​ൽ, ശി​വം മ​വി, പാ​റ്റ് ക​മ്മി​ൻ​സ് എ​ന്നി​വ​ർ പൂ​ജ്യ​ത്തി​ന് പു​റ​ത്താ​യ​തും കോ​ൽ​ക്ക​ത്ത​യ്ക്ക് തി​രി​ച്ച​ടി​യാ​യി.

17-ാം ഓ​വ​റി​ൽ ര​ണ്ട് റ​ണ്‍​സ് വ​ഴ​ങ്ങി നാ​ല് വി​ക്ക​റ്റ് വീ​ഴ്ത്തി​യ ചാ​ഹ​ലി​ന്‍റെ പ്ര​ക​ട​ന​മാ​ണ് രാ​ജ​സ്ഥാ​ന് ക​രു​ത്താ​യ​ത്. നാ​ല് ഓ​വ​റി​ൽ 40 റ​ണ്‍​സ് വ​ഴ​ങ്ങി​യാ​ണ് ചാ​ഹ​ൽ അ​ഞ്ച് വി​ക്ക​റ്റ് നേ​ടി​യ​ത്. ഒ​ബെ​ദ് മ​ക്കോ​യ് അ​വ​സാ​ന ഓ​വ​റി​ൽ ര​ണ്ട് വി​ക്ക​റ്റും വീ​ഴ്ത്തി.

ജോ​സ് ബ​ട്‌​ല​റു​ടെ ത​ക​ർ​പ്പ​ൻ സെ​ഞ്ചു​റി​യാ​ണ് രാ​ജ​സ്ഥാ​നെ മി​ക​ച്ച നി​ല​യി​ലെ​ത്തി​ച്ച​ത്. രാ​ജ​സ്ഥാ​ന് ഓ​പ്പ​ണ​റു​മാ​രാ​യ ബ​ട്‌​ല​റും ദേ​വ​ദ​ത്ത് പ​ടി​ക്ക​ലും ചേ​ർ​ന്ന് മി​ന്നും തു​ട​ക്ക​മാ​ണ് ഒ​രു​ക്കി​യ​ത്. ഇ​രു​വ​രും ചേ​ർ​ന്ന് 97 റ​ണ്‍​സി​ന്‍റെ കൂ​ട്ടു​കെ​ട്ട് പ​ടു​ത്തു​യ​ർ​ത്തു. 18 പ​ന്തി​ൽ 24 റ​ണ്‍​സെ​ടു​ത്ത പ​ടി​ക്ക​ലി​നെ​യാ​ണ് രാ​ജ​സ്ഥാ​ന് ആ​ദ്യം ന​ഷ്ട​മാ​യ​ത്.

പി​ന്നീ​ട് ക​ള​ത്തി​ലെ​ത്തി​യ നാ​യ​ക​ൻ സ​ഞ്ജു സാം​സ​ണും മി​ന്നും പ്ര​ക​ട​നം കാ​ഴ്ച​വ​ച്ചു. 19 പ​ന്തി​ൽ ര​ണ്ട് സി​ക്സും മൂ​ന്ന് ഫോ​റും ഉ​ൾ​പ്പെ​ടെ 38 റ​ണ്‍​സാ​ണ് സ​ഞ്ജു നേ​ടി​യ​ത്. ഷി​മ്രോ​ണ്‍ ഹെ​റ്റ്മെ​യ​ർ പു​റ​ത്താ​കാ​തെ 13 പ​ന്തി​ൽ 26 റ​ണ്‍​സും നേ​ടി.

61 പ​ന്തി​ൽ അ​ഞ്ച് സി​ക്സും ഒ​ൻ​പ​ത് ഫോ​റും ഉ​ൾ​പ്പെ​ടെ 103 റ​ണ്‍​സാ​ണ് ബ​ട്‌​ല​ർ അ​ടി​ച്ചെ​ടു​ത്ത​ത്. കോ​ൽ​ക്ക​ത്ത​യ്ക്കാ​യി സു​നി​ൽ ന​രെ​യ്ൻ ര​ണ്ട് വി​ക്ക​റ്റ് വീ​ഴ്ത്തി.

ജ​യ​ത്തോ​ടെ രാ​ജ​സ്ഥാ​ൻ എ​ട്ട് പോ​യി​ന്‍റു​മാ​യി പ​ട്ടി​ക​യി​ൽ ര​ണ്ടാം സ്ഥാ​ന​ത്തെ​ത്തി. കോ​ൽ​ക്ക​ത്ത ആ​റാം സ്ഥാ​ന​ത്താ​ണ്.

ഏറ്റവും പുതിയ വാർത്തകൾ: