ആറു വയസ്സുള്ള പെണ്കുട്ടിയെ വീട്ടില് കയറി പീഡിപ്പിച്ച കേസിലെ പ്രതിക്ക് 20 വര്ഷം കഠിനതടവും 35,000 രൂപ പിഴയും ശിക്ഷ.
കൊല്ലം പാരിപ്പള്ളി കിഴക്കേനില മിഥുന് ഭവനത്തില് മിഥുനെ(26)യാണ് ശിക്ഷിച്ചത്. തിരുവനന്തപുരം അതിവേഗ പ്രത്യേക കോടതിയാണ് വിധി പ്രസ്താവിച്ചത്.
പിഴ അടച്ചില്ലെങ്കില് പ്രതി ഒരു വര്ഷം കൂടി തടവ് അനുഭവിക്കണം. പിഴത്തുക പെണ്കുട്ടിക്ക് നല്കണം. കുട്ടിക്ക് ലീഗല് സര്വീസസ് അതോറിട്ടി നഷ്ടപരിഹാരം നല്കണമെന്നും കോടതി നിര്ദേശിച്ചു.
2021 നവംബര് 30-നാണ് കേസിനാസ്പദമായ സംഭവമുണ്ടായത്. വീട്ടില് കളിച്ചുകൊണ്ടിരിക്കുകയായിരുന്ന കുട്ടിയെ വീട്ടില് അതിക്രമിച്ചുകയറിയ പ്രതി വസ്ത്രങ്ങള് വലിച്ചുകീറിയശേഷം പീഡിപ്പിക്കുകയായിരുന്നു. അമ്മ ബഹളം വെച്ചെങ്കിലും പ്രതി കുട്ടിയെ വിട്ടില്ല.
അമ്മയുടെ നിലവിളി കേട്ട് നാട്ടുകാര് ഓടിക്കൂടിയപ്പോള് കുട്ടിയെ വീട്ടിലേക്ക് വലിച്ചെറിഞ്ഞിട്ട് പ്രതി രക്ഷപ്പെട്ടു. എറിഞ്ഞതിനെത്തുടര്ന്ന് പെണ്കുട്ടിക്ക് ഗുരുതരമായി പരിക്കേറ്റിരുന്നു.
Content Highlights: A six-year-old girl who was playing was forced into her home and molested; Accused sentenced to 20 years rigorous imprisonment and Rs 35,000 fine
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !