കോഴിക്കോട്: അമ്മയ്ക്കൊപ്പം ആശുപത്രിയില് എത്തിയ പത്തു വയസ്സുകാരിയെ പീഡിപ്പിക്കാൻ ശ്രമിച്ച 62 കാരൻ പിടിയില്.
ചാത്തമംഗലം കൊളങ്ങരക്കണ്ടി ഖാദര് (62) ആണ് അറസ്റ്റിലായത്.
ഞായറാഴ്ചയാണ് സംഭവം. നഗരത്തിലെ സ്വകാര്യ ആശുപത്രിയില് ചികിത്സയ്ക്കായി എത്തിയതായിരുന്നു അമ്മ. ഇവര്ക്ക് സഹായത്തിനായി എത്തിയതായിരുന്നു പ്രതി. ഇയാള് പെണ്കുട്ടിയെ ആശുപത്രിയില്വെച്ച് പീഡിപ്പിക്കാന് ശ്രമിച്ചെന്നാണ് പരാതി.
ഇക്കാര്യം ശ്രദ്ധയില്പ്പെട്ട ആശുപത്രി ജീവനക്കാരിയാണ് വിവരം പൊലീസിനെ അറിയിച്ചത്. പെണ്കുട്ടിയുടെ അമ്മ ജോലിചെയ്യുന്നത് ഇയാളുടെ കീഴിലാണ്. അതിനാല് പൊലീസ് എത്തിയപ്പോള് പരാതി നല്കാൻ പെണ്കുട്ടിയും അമ്മയും തയ്യാറായില്ല. വിവരം ശിശുക്ഷേമസമിതിയെ അറിയിച്ചു.
തുടര്ന്ന് നഴ്സിന്റെ പരാതിയില് പൊലീസ് കേസെടുത്ത് പ്രതിയെ അറസ്റ്റുചെയ്യുകയായിരുന്നു. കേസില് ഇടപെടാനും സ്വാധീനിക്കാനും സാധ്യതയുണ്ടെന്ന വിലയിരുത്തലിന്റെ അടിസ്ഥാനത്തില് പെണ്കുട്ടിയെ വെള്ളിമാടുകുന്ന് ഗേള്സ്ഹോമിലേക്ക് മാറ്റാന് ശിശുക്ഷേമസമിതി ഉത്തരവിട്ടു.
Content Highlights:An attempt was made to molest a ten-year-old girl who came to the hospital with her mother; A 62-year-old man was arrested
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !