തിരുവനന്തപുരം: അതിദരിദ്ര കുടുംബങ്ങളിലെ കുട്ടികള്ക്ക് കെഎസ്ആര്ടിസിയിലും സ്വകാര്യ ബസുകളിലും ഇനി സൗജന്യ യാത്ര നടത്താം.
വിദ്യാഭ്യാസ ആവശ്യങ്ങള്ക്ക് മാത്രമാണ് സൗജന്യ യാത്ര അനുവദിക്കുന്നത്. നവംബര് ഒന്ന് മുതല് ഉത്തരവ് പ്രാബല്യത്തില് വരും. ഇത് സംബന്ധിച്ച് ഗതാഗത വകുപ്പ് ഉത്തരവിറക്കി.
പുതിയ ഉത്തരവ് പ്രാബല്യത്തില് വരുന്നതോടെ സംസ്ഥാനത്ത് അതിദരിദ്രമെന്ന് കണ്ടെത്തിയ 64,000 കുടുംബങ്ങളിലെ വിദ്യാര്ഥികളുടെ യാത്ര പൂര്ണമായും സൗജന്യമാകും. പത്താം തരം കഴിഞ്ഞ കുട്ടികള്ക്ക് തൊട്ടടുത്ത സ്കൂളില് പഠിക്കാന് സൗകര്യം ഏര്പ്പെടുത്തും. ഉന്നത വിദ്യാഭ്യാസ സ്കോളര്ഷിപ്, സ്റ്റൈപന്റ്, കോളജ് കാന്റീനില് സൗജന്യഭക്ഷണം എന്നിവ നല്കും.
റേഷന് കാര്ഡുകള് തരംമാറ്റാനുള്ള അപേക്ഷകളില് ബാക്കിയുള്ളവ ഉടന് പൂര്ത്തിയാക്കണം. അതിദരിദ്ര്യ ലിസ്റ്റില്പ്പെട്ട സങ്കേതികതടസ്സമില്ലാത്ത മുഴുവന് പേര്ക്കും അവകാശ രേഖകളും നല്കി. നിലവില് ഹയര് സെക്കന്ഡറി വരെ മുഴുവന് വിദ്യാര്ത്ഥികള്ക്കും കെഎസ്ആര്ടിസി ബസുകളില് സൗജന്യ യാത്രയാണ്. കോളജ് തലത്തില് മാനദണ്ഡങ്ങള് പരിഗണിച്ച് കണ്സഷന് നിരക്കുണ്ട്. സ്വകാര്യ ബസുകളിലും കണ്സഷന് നിരക്കാണുള്ളത്.
Content Highlights:Free travel for children from very poor families in KSRTC and private buses
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !