വളാഞ്ചേരിയിൽ വീട്ടിൽ കവർച്ച; പത്തു പവനോളം സ്വർണ്ണവും എഴുപത്തയ്യായിരം രൂപയും മോഷണം പോയി

വളാഞ്ചേരി: (mediavisionlive.in) പാണ്ടികശാലയിൽ വീട്ടിൽ നിന്നും പത്തു പവനോളം സ്വർണ്ണവും എഴുപത്തയ്യായിരം രൂപയും കവർന്നു.

ശനിയാഴ്ച പുലർച്ചെയാണ് മോഷണം നടന്നത്. 

പാണ്ടികശാല താഴേ അങ്ങാടിയിൽ താമസിക്കുന്ന സുകുമാരൻ്റെ വീട്ടിലാണ് കവർച്ച നടന്നത്.പുലർച്ചെ 4 നും 6 നും ഇടയിലാണ് മോഷ്ടാവ് അകത്തു കടന്നതെന്ന് സംശയിക്കുന്നതായി വിട്ടുകാർ പറഞ്ഞു.

മുറിയിൽ സൂക്ഷിച്ചിരുന്ന ബാഗിലാണ് സ്വർണ്ണവും പണവും വെച്ചിരുന്നത്.

ബാഗ്,വീടിന് പിറകു വശത്ത് തകർത്ത നിലയിൽ കാണുകയായിരുന്നു. ഇതിൽ സംശയം തോന്നി വീടിനകത്ത് പരിശോധിച്ചപ്പോഴാണ് മോഷണം നടന്നത് ശ്രദ്ധയിൽ പെടുന്നത്.. മറ്റു റൂമുകളിലൊന്നും മോഷ്ടാവ് കടന്നതായി കാണുന്നില്ലെന്നും വീട്ടുകാരുമായി പരിചയമുള്ളവരാവാം മോഷണം നാത്തിയതെന്നും വീട്ടുകാർ സംശയിക്കുന്നു. വളാഞ്ചേരി പൊലീസും ഡോഗ് സ്ക്വാഡും പരിശോധന നടത്തി അന്വേഷണം ആരംഭിച്ചു.

Content Highlights: Robbery at home in Valancherry;

  About ten pawans of gold and seventy five thousand rupees were stolen

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ഏറ്റവും പുതിയ വാർത്തകൾ: