താനൂര്: കസ്റ്റഡി മരണ കേസില് സിബിഐക്ക് വീണ്ടും പരാതി നല്കി താമിര് ജിഫ്രിയുടെ കുടുംബം. കേസിലെ ഗൂഢാലോചന അന്വേഷിക്കണമെന്നാവശ്യപ്പെട്ടാണ് പരാതി നല്കിയത്. സിബിഐ വിവരങ്ങള് അറിയിക്കുന്നില്ലെന്നും കേസ് നാലു പേരില് ഒതുക്കരുതെന്നും ഉന്നത ഉദ്യോഗസ്ഥരുടെ പങ്കും അന്വേഷിക്കണമെന്നും കുടുംബം ആവശ്യപ്പെട്ടു.
സിബിഐ ഗൂഢാലോചന അന്വേഷിച്ചില്ലെങ്കില് ഹൈക്കോടതിയെ സമീപിക്കുമെന്ന് താമിര് ജിഫ്രിയുടെ കുടുംബം പറഞ്ഞു. മുന് എസ്പി സുജിത് ദാസിന്റെ ഫോണ് റെക്കോര്ഡിങ്ങും പിവി അന്വറിന്റെ ആരോപണങ്ങളുടെയും അടിസ്ഥാനത്തിലാണ് കുടുംബം വീണ്ടും പരാതി നല്കിയത്. താമിര് ജിഫ്രിയുടെ കസ്റ്റഡി മരണത്തില് മനുഷ്യവകാശ കമ്മീഷന് റിപ്പോര്ട്ട് തേടിയിരുന്നു. താനൂര് കസ്റ്റഡി മരണക്കേസ് അട്ടിമറിക്കാന് ശ്രമമെന്ന് മരിച്ച താമിര് ജിഫ്രിയുടെ കുടുംബത്തിന്റെ ആരോപണം ഉയര്ന്നതോടെയാണ് കമ്മീഷന് ഇടപെട്ടത്.
2023 ഓഗസ്റ്റ് ഒന്നിനാണ് താനൂര് പൊലീസ് കസ്റ്റഡിയിലെടുത്ത താമിര് ജിഫ്രി മരിക്കുന്നത്. താമിര് ജിഫ്രിയുടെ ശരീരത്തില് മര്ദനമേറ്റ 21 മുറിപ്പാടുകള് ഉണ്ടായിരുന്നതായി ശരീരപരിശോധനാ റിപ്പോര്ട്ടില് ഉണ്ടായിരുന്നു. ഇതില് 19 മുറിവുകള് മരണത്തിന് മുന്പും 2 മുറിവുകള് മരണത്തിന് ശേഷവും സംഭവിച്ചതെന്ന് റിപ്പോര്ട്ടില് പറയുന്നു. ആദ്യം ക്രൈംബ്രാഞ്ചാണ് കേസ് അന്വേഷിച്ചത്. ഈ അന്വേഷണത്തില് തൃപ്തരാകാത്തതിനെത്തുടര്ന്ന് കുടുംബം നടത്തിയ നിയമപോരാട്ടത്തിനൊടുവിലാണ് സര്ക്കാര് കേസ് സിബിഐക്ക് വിട്ടത്. സംഭവത്തില് എട്ട് പോലീസുകാരെ പ്രതിചേര്ത്ത് ക്രൈംബ്രാഞ്ച് കുറ്റപത്രം സമര്പ്പിച്ചിരുന്നു.
Content Summary: Tanur custodial death: Tamir Geoffrey's family files complaint to CBI again
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !