വീണ്ടും പുത്തന് ഫീച്ചറുമായി എത്തിയിരിക്കുകയാണ് വാട്സ്ആപ്പ്. അടുത്തിടെ നിരവധി ഫീച്ചറുകളാണ് ഉപഭോക്താക്കള്ക്ക് വേണ്ടി വാട്സ്ആപ്പ് കൊണ്ടുവന്നിട്ടുള്ളത്.
തെറ്റായ വിവരങ്ങളുടെ പ്രചാരണം തടയുന്നതിനുള്ള സംവിധാനവുമായാണ് വാട്സ്ആപ്പ് ഇപ്പോള് എത്തിയിരിക്കുന്നത്. ഈ ഫീച്ചര് ഉപഭോക്താക്കളെ അപകടകരമായ ലിങ്കുകളില് നിന്ന് രക്ഷിക്കും.
വാട്സ്ആപ്പ് വഴി വ്യാജവാര്ത്തകളും സംശയാസ്പദമായ ഉള്ളടക്കങ്ങളും വ്യാപകമായി പ്രചരിക്കുന്ന സാഹചര്യത്തിലാണ് ഇത്തരം ഒരു സുരക്ഷാ സംവിധാനം ഒരുക്കാനുള്ള കമ്ബനിയുടെ ശ്രമം. വാട്സ്ആപ്പ് സന്ദേശങ്ങളില് വരുന്ന ലിങ്കുകളും ആ സന്ദേശത്തില് പറഞ്ഞിരിക്കുന്ന കാര്യങ്ങളും ശരിയാണോ എന്ന് തിരിച്ചറിയാന് ഇത് സഹായിക്കും. ലിങ്കിലെ വിവരം എന്താണെന്ന് മാത്രമല്ല, ആ ലിങ്കിനൊപ്പമുള്ള സന്ദേശത്തിലെ ഉള്ളടക്കവും ലിങ്ക് എത്തിക്കുന്ന വെബ്സൈറ്റിലെ ഉള്ളടക്കവും സാമ്യതയുണ്ടോ എന്നും പരിശോധിക്കും.
യുആര്എല് അടങ്ങുന്ന എന്തെങ്കിലും സന്ദേശം ലഭിച്ചെന്നിരിക്കട്ടെ ആ ലിങ്ക് ഉപഭോക്താവിന് ഇഷ്ടപ്രകാരം പരിശോധിച്ച് ഉറപ്പിക്കാനുള്ള അവസരവുമുണ്ട്. ഈ സന്ദേശങ്ങള് സ്വകാര്യമായിരിക്കുമെന്ന പ്രത്യേകതയുമുണ്ട്. എവിടെയും സൂക്ഷിക്കുകയുമില്ല. അപകടരമായ വെബ്സൈറ്റുകളിലേക്ക് എത്തിപ്പെടുന്നത് തടയാന് ഇതുവഴി സാധിക്കും.
വ്യാപകമായി പ്രചരിച്ചുകൊണ്ടിരിക്കുന്ന സന്ദേശങ്ങളാണ് ഈ രീതിയില് പരിശോധിക്കുക. ഗൂഗിളിന്റെ സഹായത്തോടെയാണ് ഈ പരിശോധന നടത്തുന്നത്. ആന്ഡ്രോയിഡ് ബീറ്റ 2.24.20.28 വേര്ഷനിലാണ് ഈ ഫീച്ചര് പരീക്ഷിക്കുന്നതെന്ന് വാബീറ്റാ ഇന്ഫോ റിപ്പോര്ട്ട് ചെയ്യുന്നു. ഉപഭോക്താവ് ആവശ്യപ്പെടുന്ന ലിങ്കും ആ സന്ദേശവും മാത്രമാണ് ഇത്തരം സാഹചര്യങ്ങളില് പരിശോധിക്കുക.
Content Summary: Disinformation prevention system: WhatsApp with update
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !