സംസ്ഥാനത്ത് ആംബുലൻസുകൾക്ക് വാടക നിരക്ക് നിശ്ചയിച്ചു; സർക്കാർ ഉത്തരവിറങ്ങി

സംസ്ഥാനത്ത് സർവീസ് നടത്തുന്ന ആംബുലൻസുകൾക്ക് വാടക നിശ്ചയിച്ച് സർക്കാർ ഉത്തരവിറക്കി. ഓരോ ആംബുലൻസുകളിലും ലഭ്യമായ സൗകര്യങ്ങളുടെയും അടിസ്ഥാനത്തിലാണ് തരംതിരിച്ച് വാടകയും വെയ്റ്റിങ് ചാർജും നിശ്ചയിച്ചത്. ഇതിൽ 600 മുതൽ 2500 രൂപ വരെയാണ് വാടകയും വെയ്റ്റിങ് ചാർജും ഉൾപ്പെടും.

സംസ്ഥാന ട്രാൻസ്പോർട് അതോറിറ്റിക്ക് ഉത്തരവ് നടപ്പാക്കാൻ സർക്കാർ നിർദ്ദേശം നൽകിയിട്ടുണ്ട്. പുതുക്കിയ വാടക നിരക്ക് ആംബുലൻസുകളിൽ പ്രദർശിപ്പിക്കാനും ഉത്തവരിൽ പറഞ്ഞിട്ടുണ്ട്.

പുതുക്കിയ നിരക്കുകൾ

• നോൺ എസി ഒമ്നി ആംബുലൻസുകൾക്ക് ആദ്യ 20 കി.മീ. മിനിമം വാടക 600 രൂപയാണ്. പിന്നീടുള്ള ഓരോ കി.മീ. നും 20 രൂപ അധികം നൽകണം. ഓക്സിജൻ ആവശ്യമായി വന്നാൽ അതിന് 200 രൂപ അധികം നൽകണം. ഓരോ മണിക്കൂരിനും 150 രൂപയാണ് വെയ്റ്റിങ് ചാർജ്.

• എസിയുള്ള ഒമ്നി ആംബുലൻസിന് 800 രൂപയാണ് ആദ്യ 20 കി.മീ. വരെ അടിസ്ഥാന വാടക. പിന്നീട് കി.മീ.ന് 25 രൂപ നിരക്കിൽ നൽകണം. ഓക്സിജൻ സപ്പോർട്ടിന് 200 രൂപയും വെയ്റ്റിങ് ചാർജ് മണിക്കൂറിന് 150 രൂപയും നിശ്ചയിച്ചു.

• നോൺ എസി ട്രാവലർ ആംബുലൻസിന് 1000 രൂപയാണ് ആദ്യ 20 കി.മീ. ലെ വാടക. പിന്നീടുള്ള ഓരോ കി.മീ. നും 30 രൂപ വീതം നൽകണം. വെയ്റ്റിങ് ചാർജ് മണിക്കൂറിന് 200 രൂപയാണ്.

• എസിയുള്ള ട്രാവലർ ആംബുലൻസിന് 1500 രൂപയാണ് 20 കി.മീ. വരെയുള്ള മിനിമം വാടക. പിന്നീടുള്ള ഓരോ കി.മീ. നും 40 രൂപ വീതം നൽകണം. 200 രൂപയാണ് ഓരോ മണിക്കൂറിനും നൽകേണ്ട വെയ്റ്റിങ് ചാർജ്.

• ഐസിയു സൗകര്യവും പരിശീലനം ലഭിച്ച ടെക്നീഷ്യൻസുമുള്ള ഡി ലെവൽ ആംബുലൻസുകൾക്ക് 2500 രൂപയാണ് ആദ്യ 20 കി.മീ. വരെ അടിസ്ഥാന വാടക. പിന്നീട് ഓരോ കി.മീ. നും 50 രൂപ വീതം നൽകണം. 350 രൂപയാണ് ഈ ആംബുലൻസിന് മണിക്കൂർ അടിസ്ഥാനത്തിലുള്ള വെയ്റ്റിങ് ചാർജ്.

• കാൻസർ രോഗികളെയും 12 വയസിൽ താഴെ പ്രായമുള്ള കുട്ടികളെയും കൊണ്ടുപോകുമ്പോൾ കി.മീ. ന് 2 രൂപ വീതം വാടകയിൽ ഇളവ് അനുമതിക്കണം.

• ബിപിഎൽ വിഭാഗക്കാരായ രോഗികളുമായി പോകുമ്പോൾ ഡി ലെവൽ ഐസിയു ആംബുലൻസുകളുടെ വാടക നിരക്കിൽ 20% തുക കുറച്ചേ ഈടാക്കാവൂ.

Content Summary: Rental rates for ambulances in the state have been fixed; government orders issued

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: