ദേശീയപാത 66-ന്റെ ഭാഗമായി അരൂർ – തുറവൂർ ഉയരപ്പാതയുടെ നിർമ്മാണ മേഖലയിൽ ഗർഡർ വീണ് ദാരുണമായ അപകടം. പുലർച്ചെ രണ്ടരയോടെ ചന്തിരൂരിൽ വെച്ചാണ് സംഭവം. ഗർഡർ വീണ് പിക്കപ്പ് വാനിന്റെ ഡ്രൈവറായ ആലപ്പുഴ പള്ളിപ്പാട് സ്വദേശി രാജേഷ് (45) ആണ് മരിച്ചത്.
ഗർഡറുകൾ സ്ഥാപിക്കുന്നതിനിടെയാണ് അപകടം സംഭവിച്ചത്. രണ്ട് ഗർഡറുകളാണ് താഴെ വീണത്. ഒന്ന് പൂർണ്ണമായും മറ്റൊന്ന് ഭാഗികമായുമാണ് മുട്ട കയറ്റി വന്ന പിക്കപ്പ് വാനിലേക്ക് പതിച്ചത്. തമിഴ്നാട്ടിൽ നിന്ന് മുട്ടയുമായി വന്ന് എറണാകുളത്ത് ലോഡ് ഇറക്കിയ ശേഷം ആലപ്പുഴയിലേക്ക് മടങ്ങുന്ന വഴിക്കാണ് അപകടം നടന്നത്.
രാജേഷ് പിക്കപ്പ് വാനിന്റെ സ്ഥിരം ഡ്രൈവറായിരുന്നില്ല. സ്ഥിരം ഡ്രൈവർ ഇല്ലാതിരുന്നതിനെ തുടർന്ന് താത്കാലികമായി വാഹനം ഓടിക്കാൻ വിളിച്ചപ്പോൾ വന്നതായിരുന്നു. മരിച്ച രാജേഷിന് ഭാര്യയും രണ്ട് മക്കളുമുണ്ട്. കരാർ കമ്പനിയുടെ അനാസ്ഥയാണ് അപകടത്തിന് കാരണമെന്ന് വാഹന ഉടമ ആരോപിക്കുന്നു.
സംഭവത്തിൽ പൊതുമരാമത്ത് വകുപ്പ് (പി.ഡബ്ല്യു.ഡി.) സെക്രട്ടറിയോട് മന്ത്രി മുഹമ്മദ് റിയാസ് റിപ്പോർട്ട് തേടിയിട്ടുണ്ട്. ഗർഡറുകൾക്ക് അടിയിൽപ്പെട്ട രാജേഷിന്റെ മൃതദേഹം പുറത്തെടുത്തു. അപകടത്തെക്കുറിച്ച് വിശദമായ അന്വേഷണം നടന്നു വരികയാണ്
Content Summary: Mediavisionlive.in
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !