താമസസ്ഥലത്ത് മലയാളിയെ മരിച്ച നിലയിൽ കണ്ടെത്തി. മലപ്പുറം, ആനക്കയം, പന്തല്ലൂര് കിഴക്കുംപറമ്പ് സ്വദേശി ചെറുകപ്പള്ളി സുബൈറിനെയാണ് (26) റിയാദ് ഹറാജിലെ മുറിയിൽ മരിച്ചുകിടക്കുന്ന നിലയിൽ ബുധനാഴ്ച വൈകീട്ട് കണ്ടത്.
ഹറാജിലെ സ്വകാര്യ സോഫ നിർമാണ കമ്പനിയിൽ ജോലി ചെയ്തിരുന്ന യുവാവ് നാട്ടിൽ പോയി വിവാഹം കഴിഞ്ഞ് ഇൗ മാസം 16നാണ് തിരിച്ചെത്തിയത്. മൂസ, ആയിശ ദമ്പതികളുടെ മകനാണ്. ഭാര്യ: ഹിബ. സഹോദരങ്ങൾ: ആശിഖ്, മുനീര്, ശരീഫ സഹല. മൃതദേഹം റിയാദിൽ ഖബറടക്കും.
