എം.എൽ.എ മുഖ്യമന്ത്രിക്ക് കത്ത് നൽകി
കോട്ടക്കൽ: സംസ്ഥാനത്ത് നിരവധി പേർ ജീവനോപാധിക്ക് വേണ്ടി വിവിധ ദേശസാൽകൃത ബാങ്കുകളിൽ നിന്നും ധനകാര്യ സ്ഥാപനങ്ങളിൽ നിന്നും മറ്റു സർക്കാർ അംഗീകൃത ധനകാര്യ സ്ഥാപനങ്ങളിൽ നിന്നും എടുത്തിട്ടുള്ള വായ്പകളുടെ തിരിച്ചടവിന് മൂന്ന് മാസത്തെ സാവകാശം നൽകണമെന്ന് പ്രൊഫ.ആബിദ് ഹുസൈൻ തങ്ങൾ എം.എൽ.എ ആവശ്യപ്പെട്ടു. ഈ വിഷയത്തിൽ അടിയന്തര നടപടി സ്വീകരിക്കണമെന്നാവശ്യപ്പെട്ട് കൊണ്ട് എം.എൽ.എ മുഖ്യമന്ത്രിക്ക് കത്ത് നൽകുകയും ചെയ്തു. ഓട്ടോറിക്ഷാ / കാർ ലോണുകൾ, വിദ്യാഭ്യാസ ലോണുകൾ, കച്ചവട ആവശ്യങ്ങൾക്കായി എടുത്തിട്ടുള്ള കച്ചവട വായ്പകൾ, ചെറുകിട ഇടത്തരം വ്യവസായികൾ എടുത്തിട്ടുള്ള വ്യവസായ ലോണുകൾ, തുടങ്ങിയവയുടെ ഇ.എം.ഐ കൊറോണ കാരണത്താൽ സംസ്ഥാനം നിശ്ചലമായതിനാൽ തിരിച്ചടക്കാൻ കഴിയാത്ത അവസ്ഥയാണ് നിലവിലുള്ളത്.ഈ സാഹചര്യത്തിലാണ് ജനങ്ങളുടെ ആവശ്യം പരിഗണിച്ച് ഇത്തരം വായ്പകളുടെ ഇ.എം. ഐ തിരിച്ചടവിന് സാവകാശം നൽകണമെന്ന് എം.എൽ.എ ആവശ്യപ്പെട്ടത്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !