ഇന്ത്യയില് നിന്നുള്ള യാത്രാ വിമാനങ്ങള്ക്ക് സൗദി വിലക്ക് ഏര്പ്പെടുത്തി. സൗദിയില് നിന്നും ഇന്ത്യയിലേക്കുള്ളതും തിരിച്ച് ഇന്ത്യയില് നിന്നും സൗദിയിലേക്കുള്ളതുമായ വിമാനങ്ങള്ക്കുമാണ് വിലക്ക്. വന്ദേ ഭാരത് ഉള്പ്പെടെയുള്ള വിമാന സര്വീസുകളും റദ്ദാക്കി. സൗദി ഈ തീരുമാനം എടുത്തത് ഇന്ത്യയില് കൊവിഡ് വ്യാപനം രൂക്ഷമായ സാഹചര്യത്തിലാണ്.
ഇന്ത്യയെ കൂടാതെ ബ്രസീല്, അര്ജന്റീന എന്നീ രാജ്യങ്ങള്ക്കും വിലക്കുണ്ടെന്ന് ജനറല് അതോറിറ്റി ഓഫ് ഏവിയേഷന് വ്യക്തമാക്കി.സൗദിയിലേക്ക് മറ്റ് രാജ്യങ്ങളില് നിന്ന് വരുന്നവരും രണ്ടാഴ്ചയുടെ ഇടവേളയില് ഇന്ത്യ സന്ദര്ശിച്ചിരിക്കാനും പാടില്ല. കരാര് പ്രകാരം ഇരുരാജ്യങ്ങളും തമ്മില് വിമാന സര്വീസ് തുടങ്ങുമെന്ന് പ്രതീക്ഷിച്ചിരിക്കെയാണ് യാത്രാ വിലക്ക് സൗദി പ്രഖ്യാപിച്ചത്. കേന്ദ്ര സര്ക്കാര് ഇക്കാര്യത്തില് ഇടപെടണമെന്നാണ് പ്രവാസികളുടെ ആവശ്യം. എന്നാല് സര്ക്കാരിന്റെ ഔദ്യോഗിക പ്രതിനിധികള്ക്ക് വിലക്ക് ബാധകമല്ല.
അതേസമയം ഇന്ത്യയിലെ കൊവിഡ് രോഗികളുടെ എണ്ണം 56 ലക്ഷം കടന്നു. 24 മണിക്കൂറിനിടെ 83,347 പേര്ക്ക് രോഗം സ്ഥിരീകരിച്ചു. 1,085 പേരാണ് കഴിഞ്ഞ 24 മണിക്കൂറിനിടെ മരിച്ചത്. രാജ്യത്തെ ആകെ രോഗബാധിതരുടെ എണ്ണം 56,46,011 ലാണ് എത്തി നില്ക്കുന്നത്. 90,020 ആണ് മരണസംഖ്യ. ചികിത്സയിലുള്ളത് 9,68,377 പേരാണ്. രോഗം ഭേദമായവരുടെ എണ്ണം 45,87,614 ആയി.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !