രാഹുൽ ഗാന്ധിക്കെതിരായ അക്രമം പ്രതിഷേധാർഹം: ഒഐസിസി മലപ്പുറം ജില്ലാ കമ്മിറ്റി

ജിദ്ദ | യുപിയിലെ ഹത്രാസിൽ ബലാൽസംഗത്തിനിരയായ ദളിത് പെൺകുട്ടിയുടെ കുടുംബത്തെ സന്ദർശിക്കാൻ അനുമതി നൽകാതിരിക്കുകയും ആക്രമിക്കുകയും ചെയ്ത യു.പി പോലീസിന്റെ ജനാധിപത്യവിരുദ്ധമായ നടപടിയിൽ ഒഐസിസി മലപ്പുറം ജില്ലാ കമ്മിറ്റി ശക്തമായ പ്രതിഷേധം രേഖപ്പെടുത്തി. ഏഴു പതിറ്റാണ്ടുകളോളം രാജ്യം ഭരിച്ച കോൺഗ്രസ് പാർട്ടിയുടെ ഏറ്റവും സമുന്നതനായ നേതാവായ രാഹുൽ ഗാന്ധിയെ തടയുകയും ദേഹോപദ്രവമേൽപ്പിക്കുകയും ചെയ്തത് വർത്തമാന ഇന്ത്യയുടെ പരിതാപകരമായ അവസ്ഥയാണ് വെളിവാക്കുന്നത്. മാധ്യമ പ്രവർത്തകർക്കും രാജ്യത്തെ ജനപ്രതിനിധികൾക്കും കൊല്ലപ്പെട്ട പെൺകുട്ടിയുടെ കുടുംബത്തെ കാണുവാൻ അനുമതി നൽകാത്ത  യോഗി ഭരണ കൂടം രാജ്യത്തിന് അപമാനകരമാണ്. പ്രതിഷേധ യോഗത്തിൽ ഒഐസിസി മലപ്പുറം ജില്ലാ കമ്മിറ്റി പ്രസിഡന്റ് ഹക്കീം പാറക്കൽ അധ്യക്ഷത വഹിച്ചു.  നൗഷാദ് ചാലിയാർ, ആസാദ് പോരൂർ, കുഞ്ഞിമുഹമ്മത് കൊടശ്ശേരി, ഒഎം. നാസർ, നാസർ കോഴിത്തൊടി, ഇസ്മായിൽ കൂരിപ്പൊയിൽ,   ലത്തീഫ് പെരിന്തൽമണ്ണ, റിയാസ് കാളികാവ്, യു. എം. ഹുസൈൻ,  ഫിറോസ് പോരൂർ, അസ്‌കർ കാളികാവ്  എന്നിവർ സംസാരിച്ചു.

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ്  ന്റെ WhatsApp  ഗ്രൂപ്പിൽ അംഗമാവുക !