ഹിമാചല് പ്രദേശിലെ കന്നൗരില് ദേശീയപാതയില് കനത്ത മണ്ണിടിച്ചിലില് മരണം 11 ആയി. നിരവധി പേര് മണ്ണില് കുടുങ്ങി കിടക്കുന്നതായാണ് വിവരം. ഉച്ചയ്ക്ക് 12.45 ന് വാഹനങ്ങള് ദേശീയ പാതയിലൂടെ കടന്നു പോകുമ്ബോഴായിരുന്നു അപകടം. ഹിമാചല് ട്രാന്സ്പോര്ട്ട് കോര്പറേഷന് ബസും ട്രക്കും വിനോദ സഞ്ചാരികളുടെ കാറുകളും അപകടത്തില്പ്പെട്ടു. മണ്ണും പാറയും ഇടിഞ്ഞു വീണതോടെ വാഹനങ്ങള് പൂര്ണമായി തകര്ന്നു. ഗതാഗതവും തടസപ്പെട്ടു. ദിവസങ്ങളായി തുടരുന്ന കനത്ത മഴയെ തുടര്ന്നാണ് മണ്ണിടിച്ചില് ഉണ്ടായതെന്നാണു റിപ്പോര്ട്ട്.
മണ്ണിടിച്ചിലുണ്ടായ വിവരം പുറത്ത് വന്നതോടെ അടിയന്തര രക്ഷപ്രവര്ത്തനത്തിന് ഹിമാചല് പ്രദേശ് മുഖ്യമന്ത്രി ജയറാം ഠാക്കൂര് നിര്ദ്ദേശം നല്കി.
ആദ്യഘട്ടത്തില് ഇന്തോ ടിബറ്റന് ബോര്ഡര് പൊലീസും ദുരന്ത നിവാരണ സേനയുമാണ് രക്ഷാ പ്രവര്ത്തനത്തിന് നേത്യത്വം നല്കിയത്. പിന്നാലെ ദേശീയ ദുരന്തനിവാരണസേനയുടെ 25 പേര് അടങ്ങുന്ന സംഘവും എത്തി. മണ്ണിടിയില് ആളുകള് കുടുങ്ങിക്കിടന്നുണ്ടോ എന്ന സംശയത്തെ തുടര്ന്നാണ് തെരച്ചില്. അതേസമയം പ്രധാനമന്ത്രി നരേന്ദ്രമോദിയും ആഭ്യന്തരമന്ത്രി അമിത് ഷായും ഹിമാചല് മുഖ്യമന്ത്രിയെ ഫോണില് വിളിച്ച് കേന്ദ്രസഹായം ഉറപ്പ് നല്കി.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !