അബുദാബി: പ്രവാസികള്ക്ക് ആശ്വാസ പ്രഖ്യാപനവുമായി യുഎഇ. യാത്രാവിലക്കില് നാട്ടില് കുടങ്ങിയവരുടെ താമസ വിസാ കാലാവധി യുഎഇ നീട്ടി. ഡിസംബര് ഒന്പത് വരെയാണ് കാലാവധി നീട്ടിയത്. വിസ കാലാവധി കഴിഞ്ഞ പ്രവാസികള്ക്ക് ഐസിഎ, ജിഡിആര്എഫ്എ അനുമതി വാങ്ങി യുഎഇയിലേക്ക് മടങ്ങാം.
താമസ വിസയുള്ളവര്ക്ക് അനുമതിയോടെ യു.എ.ഇയിലേക്ക് മടങ്ങാം. കൊവിഡും ലോക്ക്ഡൗണും യാത്രാവിലക്കും കാരണം നാട്ടില് കുടുങ്ങിയ നിരവധി പ്രവാസികള്ക്ക് ആശ്വാസകരമാകുന്നതാണ് തീരുമാനം.
നവംബര് ഒമ്ബതിനകം ഇവിടെ എത്തണമെന്നാണ് യു.എ.ഇ അറിയിച്ചിട്ടുള്ളത്. ബാക്കി ഒരു മാസം ഗ്രേസ് പിരിയഡ് പോലെ വിസ റിന്യൂവലിന് ഉപയോഗിക്കാം. ദുബായി താമസവിസയുള്ളവര്ക്ക് വാക്സിന് എടുക്കാതെ തന്നെ ദുബായിലേക്ക് പ്രവേശിക്കാമെന്ന് വിമാനക്കമ്ബനികള് നേരത്തെ തന്നെ അറിയിച്ചിട്ടുണ്ട്.
48 മണിക്കൂറിനുള്ളില് എടുത്ത കൊവിഡ് ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് യാത്രക്കാര് കൈവശം കരുതണം. ഒപ്പം പുറപ്പെടുന്ന വിമാന്തതാവളത്തില് നിന്നുള്ള കൊവിഡ് റാപ്പിഡ് പരിശോധനാഫലവും നിര്ബന്ധമാണ്. അതേസമയം സന്ദര്ശ വിസക്കാര്ക്ക് യു.എ.ഇയിലേക്ക് പ്രവേശിക്കാന് അനുമതിയില്ലെന്നും അധികൃതര് അറിയിച്ചിട്ടുണ്ട്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !