കോട്ടയം: പരിയാരത്ത് ഭര്ത്താവിന്റെ സുഹൃത്തായ കോണ്ട്രാക്ടറെ കൊലപ്പെടുത്താന് ക്വട്ടേഷന് നല്കിയ ബാങ്ക് ഉദ്യോഗസ്ഥ അറസ്റ്റില്. പയ്യന്നൂര് സ്വദേശി എന്വി സീമയെയാണ് പരിയാരം പൊലീസ് അറസ്റ്റ് ചെയ്തത്. ഭര്ത്താവിന്റെ സുഹൃത്തിനെ ആക്രമിക്കാന് മൂന്നു ലക്ഷം രൂപയ്ക്കായിരുന്നു സീമ ക്വട്ടേഷന് നല്കിയത്.
പൊലീസ് ഉദ്യോഗസ്ഥനായ ഭര്ത്താവിന് നിരന്തരം മദ്യം നല്കി തനിക്ക് എതിരാക്കി പ്രശ്നങ്ങളുണ്ടാക്കുന്നത് ഈ സുഹൃത്താണെന്നായിരുന്നു സീമയുടെ ആരോപണം. ഇവരുടെ മുന്കൂര് ജാമ്യാപേക്ഷ തലശേരി സെഷന്സ് കോടതി നേരത്തെ തള്ളിയിരുന്നു.
കഴിഞ്ഞ ഏപ്രിലില് ഉണ്ടായ ആക്രമണത്തില് പരിയാരം സ്വദേശി സുരേഷ് ബാബുവിന് ഗുരുതര പരിക്കേറ്റിരുന്നു. ആക്രമണം നടത്തിയ ആളുകള് പൊലീസ് പിടിയിലായതോടെയാണ് അയല്ക്കാരനും ബന്ധുവുമായ പൊലീസ് ഉദ്യോഗസ്ഥന്റെ ഭാര്യ ബാങ്ക് ഉദ്യോഗസ്ഥയായ സീമയാണ് ഗുണ്ടാ സംഘത്തിന് ക്വട്ടേഷന് നല്കിയതെന്ന് മനസിലായത്.
സീമ ഭര്ത്താവുമായി കലഹം പതിവായിരുന്നു. സുരേഷിന്റെ സ്വാധീനത്താലാണ് നിരന്തരം മദ്യപിച്ചെത്തി ഭര്ത്താവ് തനിക്കെതിരെ തിരിയുന്നതെന്ന് സീമ സംശയിച്ചു. ആക്രമണം നടത്തിയ ജിഷ്ണു, അഭിലാഷ്, സുധീഷ് രതീഷ് എന്നിവര് പൊലീസിന്റെ പിടിയെങ്കിലും സീമ ഒളിവില് ആയിരുന്നു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !