ജര്മന് ഫുട്ബോള് ഇതിഹാസം ജെര്ദ് മുള്ളര് (75) അന്തരിച്ചു. അദ്ദേഹത്തിന്റെ മരണവാര്ത്ത ജര്മന് ക്ലബ് ബയേണ് മ്യൂനിച്ച് സ്ഥിരീകരിച്ചു. ക്ലബ്ബ് തലത്തില് 15 വര്ഷം ബയേണ് മ്യൂണിക്കിനുവേണ്ടിയും രാജ്യാന്തരതലത്തില് പശ്ചിമജര്മനിക്കുവേണ്ടിയും കളിച്ചിരുന്ന മുള്ളര് കഴിഞ്ഞ കുറേ നാളുകളായി അല്ഷിമേഴ്സ് രോഗത്തിന് ചികിത്സയിലായിരുന്നു.
ബയേണിനായി 15 വര്ഷത്തിനിടെ 566 ഗോളുകള് നേടി. യൂറോപ്യന് ഫുട്ബോളിലെ എക്കാലത്തെയും മികച്ച ഗോള്വേട്ടക്കാരില് ഒരാളാണ് മുള്ളര്. ജര്മനിക്കൊപ്പം 1974ലെ ലോകകപ്പ് സ്വന്തമാക്കാന് അദ്ദേഹത്തിനായിരുന്നു. 1970ല് ബലന് ദി ഓര് പുരസ്കാരവും മുള്ളറെ തേടിയെത്തി. ജര്മന് ജേഴ്സിയില് 62 മത്സരങ്ങള് കളിച്ച താരം 68 ഗോളുകള് നേടി. ബുണ്ടസ്ലിഗയില് 365 ഗോളുകള് എന്ന അപൂര്വ റെക്കോഡും അദ്ദേഹത്തിനുണ്ട്.
1964 മുതല് 1979വരെ ബയേണ് ജേഴ്സിയില് അദ്ദേഹമുണ്ടായിരുന്നു. 14 കിരീടങ്ങളും അവര്ക്കൊപ്പം സ്വന്തമാക്കി. 32 ബുണ്ടസ് ലിഗ ഹാട്രിക്ക് സ്വന്തം പേരിലാക്കി. ഏഴ് തവണ ബുണ്ടസ് ലീഗ ടോപ് സ്കോററായിരുന്നു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !