കോഴിക്കോട്: സ്വാതന്ത്ര്യ സമര നേതാക്കളുടെ പുതുക്കിയ പട്ടികയില് നിന്നും മലബാര് കലാപ നേതാക്കളുടെയുള്പ്പെടെ പേരുകള് ഒഴിവാക്കിയതിനെതിരെ മുസ്ലിം ലീഗ് രംഗത്ത്. ചരിത്രത്തെ വളച്ചൊടിക്കരുതെന്നും യുവ തലമുറയോട് ചെയ്യുന്ന നീതി കേടാണിതെന്നും മുസ്ലിം ലീഗ് നേതൃത്വം പറഞ്ഞു.
മലബാര് സമരത്തിലെ രക്തസാക്ഷികള് രാജ്യത്തിന് വേണ്ടി പോരാടിയവരാണെന്ന് പാണക്കാട് സയ്യിദ് സാദിഖലി ശിഹാബ് തങ്ങള് പറഞ്ഞു. അവരോട് നന്ദി കാണിച്ചില്ലെങ്കിലും നന്ദികേട് കാണിക്കരുത്. ചരിത്രത്തെ വക്രീകരിക്കാനാണ് ശ്രമിക്കുന്നത്. ഈ നീക്കത്തില് നിന്ന് കേന്ദ്രസര്ക്കാര് പിന്മാറണം. വക്രീകരിച്ചാലും ചരിത്രം ചരിത്രമായി നിലനില്ക്കുമെന്നും അദ്ദേഹം പറഞ്ഞു.
മലബാര് സമരപോരാളികളെ സ്വാതന്ത്രസമര സേനാനികളുടെ പട്ടികയില് നിന്ന് നീക്കാനുള്ള തീരുമാനം രാജ്യം മാത്രമല്ല ലോകം തന്നെ അംഗീകരിക്കില്ലെന്ന് പി.കെ കുഞ്ഞാലിക്കുട്ടി പറഞ്ഞു. ചരിത്രപുരുഷന്മാര് ജീവിക്കുന്നത് രേഖകളിലല്ല മനുഷ്യ മനസ്സുകളിലാണെന്നും കുഞ്ഞാലിക്കുട്ടി പ്രതികരിച്ചു.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !