ആരോഗ്യമന്ത്രി വീണ ജോര്ജിനെതിരെ അശ്ലീല പരാമര്ശം നടത്തിയതിന് ജനപക്ഷം നേതാവ് പിസി ജോര്ജിനെതിരെ കേസ്. എറണാകുളം നോര്ത്ത് പൊലീസാണ് കേസെടുത്തത്.
സ്ത്രീത്വത്തെ അപമാനിച്ചെന്ന് കണ്ടെത്തിയതിനെ തുടര്ന്നാണ് കേസെടുത്തത്. ഇന്ത്യന് ശിക്ഷാനിയമത്തിലെ 509 വകുപ്പ് പ്രകാരമാണ് കേസ്.
ക്രൈം ഓണ്ലൈന് എന്ന യൂട്യൂബ് ചാനലിന്റെ ഉടമ ടി. പി. നന്ദകുമാര് പിസി യുമായി നടത്തിയ ഫോണ് സംഭാഷണത്തിലാണ് വിവാദ പരാമര്ശങ്ങള് ഉള്ളത്. ക്രൈം സ്റ്റോറി മലയാളം എന്ന ഫേസ്ബുക്ക് പേജിലും ഈ ശബ്ദസന്ദേശം പുറത്ത് വിട്ടിരുന്നു. ഈ വീഡിയോ കണ്ട അഭിഭാഷകനായ മന്സൂര് നല്കിയ പരാതിയിലാണ് ഇപ്പോള് കേസ് എടുത്തിരിക്കുന്നത്.
പിസി ജോര്ജ് നടത്തിയ ഏഴ് മിനിറ്റ് ദൈര്ഖ്യമുള്ള വിവാദ ശബ്ദ സന്ദേശത്തിലെ പ്രസക്ത ഭാഗങ്ങള് ഇങ്ങനെ..
- 'കേരള സംസ്ഥാനത്തിന് അപമാനമാണ് വീണാ ജോര്ജെന്ന ആരോഗ്യമന്ത്രി. സംശയം വേണ്ട. എന്തൊരു കഷ്ടകാലമാണെന്നാലോചിക്കണം. ഇന്ത്യയില് ഏറ്റവും കൂടുതല് കൊറോണ രോഗികളുള്ള നാടായി കേരളത്തെ മാറ്റിയെടുത്തതിന് ഈ വീണാ ജോര്ജിന് അവാര്ഡ് കിട്ടും. അവര് ടീവിയില് എന്നും വരുന്നതെന്തിനാ? അവരുടെ സൗന്ദര്യം കാണിക്കാന് വരികയാ. എന്നാ സൗന്ദര്യം, ആരുടെ സൗന്ദര്യം? ഏജ് ഇത്ര ആയില്ലേ. കിളവിയാണെന്ന് ചിന്തിക്കേണ്ടേ അവര്. ആരെ കാണിക്കാനാ, ആര്ക്കു വേണ്ടിയാ ഇതൊക്കെ, കാണിക്കേണ്ടവരെ കാണിക്കുന്നുണ്ടെന്നാ. അത് ജനങ്ങളെ കാണിക്കണ്ടല്ലോ. കോവിഡ് പിടിച്ചു ജനങ്ങള് മരിക്കുമ്ബോ ചിരിച്ചുകൊണ്ടിരിക്കുകയല്ലേ. എങ്ങനെ അവര്ക്ക് ചിരിക്കാന് പറ്റുന്നു. എനിക്ക് ചിന്തിക്കാന് പോലും പറ്റുന്നില്ല'
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !