തീയറ്റർ റിലീസിന് പിന്നാലെ ഒടിടി റിലീസിന് ഒരുങ്ങുകയാണ് ദുൽഖർ സൽമാൻ ചിത്രം കുറുപ്പും മോഹൻലാൽ ചിത്രം മരക്കാറും സുരേഷ് ഗോപി ചിത്രം കാവലും. തീയറ്ററിൽ വിജയം കൊയ്ത മൂന്നു ചിത്രങ്ങളും ക്രിസ്തുമസിനാണ് ഒടിടി റിലീസിന് എത്തുന്നത്. നെറ്റ്ഫ്ലിക്സ്, ആമസോൺ തുടങ്ങിയ ഓൺലൈൻ പ്ലാറ്റുഫോമുകൾ വഴിയാണ് ചിത്രം റിലീസ് ചെയ്യുക.
കുറുപ്പ് ഡിസംബർ 17ന് നെറ്റ്ഫ്ലിക്സിലൂടെയാണ് പുറത്തിറങ്ങുന്നത്. കുപ്രസിദ്ധ പിടികിട്ടാപ്പുള്ളി സുകുമാര കുറുപ്പിന്‍റെ ജീവിതത്തെ ആസ്പദമാക്കി ഒരുക്കിയ കുറുപ്പ് 80 കോടിയിലധികം വേൾഡ് വൈഡ് കലക്ഷനുമായാണ് കുതിക്കുന്നത്. നീണ്ട നാളത്തെ ഇടവേളക്ക് ശേഷം തുറന്ന് തീയറ്ററുകളിൽ പ്രേക്ഷകരെ കൊണ്ടുവരാൻ കുറുപ്പിന് സാധിച്ചു.
ഗംഭീര വരവേൽപ്പായിരുന്നു ചിത്രത്തിന് തീയറ്ററിൽ നിന്നും ലഭിച്ചത്. 100 കോടി ബജറ്റിൽ ചിത്രീകരിച്ച പ്രിയദർശൻ മോഹൻലാൽ കൂട്ടുകെട്ടിൽ പിറന്ന ചിത്രമാണ് മരക്കാർ അറബിക്കടലിന്റെ സിംഹം. സമ്മിശ്ര പ്രതികരണമാണ് ചിത്രത്തിന് പ്രേക്ഷകരിൽ നിന്നും ലഭിച്ചതെങ്കിലും, സാമ്പത്തികമായി ചിത്രം വിജയം കൈവരിച്ചു കഴിഞ്ഞു.
ആമസോൺ പ്രൈമിലൂടെ ഡിസംബർ 17ന് തന്നെയാണ് ചിത്രം എത്തുക. 15 ദിവസങ്ങൾക്ക് ശേഷമാണ് സിനിമ ഒ.ടി.ടിയിൽ എത്തുന്നത്. ഡിസംബര്‍ 23ന് നെറ്റ്ഫ്ലിക്സിലൂടെ സുരേഷ് ഗോപി ചിത്രം കാവൽ പ്രേക്ഷകരിലേക്ക് എത്തുക. നീതി രഞ്ജി പണിക്കർ സംവിധാനം ചെയ്ത ചിത്രം കുടുംബ പ്രേക്ഷകർ ഇരുകയ്യും നീട്ടിയാണ് സ്വീകരിച്ചത്.
സുരേഷ് ഗോപിയുടെ തിരിച്ചു വരവ് ആഘോഷമാക്കുകയായിരുന്നു കവലിലൂടെ പ്രേക്ഷകർ. ഈ മൂന്ന് ചിത്രങ്ങൾക്കും പുറമെ, മിന്നൽ മുരളി, മധുരം, കേശു ഈ വീടിന്‍റെ നാഥൻ തുടങ്ങിയ ചിത്രങ്ങളും ക്രിസ്തുമസ്സ് റിലീസായി ഒടിടിയിൽ എത്തുന്നുണ്ട്.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !