കളമശേരിക്ക് സമീപം കണ്വെന്ഷന് സെന്ററിലുണ്ടായ സ്ഫോടനത്തില് ഒരാള് മരിച്ചു. യഹോവ സാക്ഷികളുടെ സമ്മേളനം നടക്കുന്നതിനിടയൊണ് സംഭവം. നിരവധി പേര്ക്ക് പരിക്കേറ്റു. ഇതില് അഞ്ചുപേരുടെ നില ഗുരുതരമാണെന്ന് വിവരം. രണ്ടായിരത്തിലധികം ആളുകള് പങ്കെടുത്ത പരിപാടിക്കിടെയായിരുന്നു സ്ഫോടനം ഉണ്ടായത്. കളമശേരി മെഡിക്കല് കോളജിനടുട്ട സാമ്ര കണ്വെന്ഷന് സെന്ററിലായിരുന്നു പരിപാടി.
കഴിഞ്ഞ ദിവസങ്ങളിലായി അവിടെ യഹോവസാക്ഷികളുടെ സമ്മേളനം നടക്കുകയാണ്. പരിക്കേറ്റവരെ മെഡിക്കല് കോളജിലേക്ക് മാറ്റി. ഏത് സാഹചര്യത്തിലാണ് പൊട്ടിത്തെറിയുണ്ടായതെന്ന് വ്യക്തമല്ല. പൊലീസ് സ്ഥലത്തെത്തി പരിശോധന തുടങ്ങി.
ഒന്നിലധികം തവണ പൊട്ടിത്തെറിയുണ്ടായതായാണ് റിപ്പോര്ട്ടുകള്. ഞായറാഴ്ചയായതിനാല് നിരവധി വിശ്വാസികള് പ്രാര്ഥനയ്ക്കായി എത്തിയിരുന്നു.
സ്ഫോടനത്തിന്റെ പശ്ചാത്തലത്തില് കളമശ്ശേരി മെഡിക്കല് കോളജില് കൂടുതല് ക്രമീകരണങ്ങള് ഏര്പ്പെടുത്തുകയാണ്. ആശുപത്രിയിലെ ഡോക്ടര്മാരും നഴ്സുമാരും അടക്കം മുഴുവന് ജീവനക്കാരും അടിയന്തരമായി ജോലിക്ക് ഹാജരാകണമെന്ന് മെഡിക്കല് സൂപ്രണ്ട് ഡോ. ഗണേശ് മോഹന് അറിയിച്ചു.
മൂന്നു തവണ സ്ഫോടനം; മരിച്ചത് സ്ത്രീ; സംസ്ഥാനത്ത് ജാഗ്രതാ നിര്ദേശം; എഡിജിപിമാര് കൊച്ചിയിലേക്ക്..
കളമശ്ശേരിയില് യഹോവ കണ്വെന്ഷന് സെന്ററില് മൂന്നു തവണ സ്ഫോടനം ഉണ്ടായതായാണ് റിപ്പോര്ട്ട്. രാവിലെ 9.40 നാണ് ആദ്യ പൊട്ടിത്തെറിയുണ്ടായത്. ഇതിനു പിന്നാലെ രണ്ടു തവണ കൂടി സ്ഫോടനങ്ങളുണ്ടായി. പ്രാര്ത്ഥനയ്ക്കിടെ ഉഗ്രശബ്ദത്തോടെയുള്ള സ്ഫോടനം ഉണ്ടായതായി ദൃക്സാക്ഷികള് പറയുന്നു.
കണ്വെന്ഷനില് പങ്കെടുക്കാനെത്തിയ സ്ത്രീയാണ് പൊട്ടിത്തെറിയില് മരിച്ചത്. സമ്മേളനം തുടങ്ങി അരമണിക്കൂറിനകം സ്ഫോടനം ഉണ്ടായതായി ദൃക്സാക്ഷി പറഞ്ഞു. പരിക്കേറ്റവരെ കളമശ്ശേരി മെഡിക്കല് കോളജില് പ്രവേശിപ്പിച്ചു. ഇതില് ആറുപേരുടെ നില ഗുരുതരമാണ്. സ്ഫോടനം നടന്ന ഹാളില് 2300 ഓളം പേരുണ്ടായിരുന്നു.
സ്ഫോടനം നടന്ന ഹാളും പരിസരവും പൊലീസ് സീല് ചെയ്തു. സ്ഫോടനത്തിന്റെ കാരണം എന്താണെന്ന് പൊലീസ് അന്വേഷിച്ചു വരികയാണ്. ബോംബ് സ്ക്വാഡും തീവ്രവാദ വിരുദ്ധ സ്ക്വാഡും സ്ഫോടനസ്ഥലത്തെത്തി. സ്ഫോടനത്തിന്റെ അടിസ്ഥാനത്തില് പൊലീസ് സംസ്ഥാനത്ത് ജാഗ്രതാ നിര്ദേശം പുറപ്പെടുവിച്ചു.
എല്ലായിടത്തും ജാഗ്രത പാലിക്കണമെന്ന് ജില്ലാ പൊലീസ് മേധാവികള്ക്ക് പൊലീസ് ആസ്ഥാനത്തു നിന്നും നിര്ദേശം നല്കിയിട്ടുണ്ട്. ക്രമസമാധാന എഡിജിപി എം ആര് അജിത് കുമാറും ഇന്റലിജന്സ് എഡിജിപിയും കൊച്ചിയിലേക്ക് തിരിച്ചിട്ടുണ്ട്. അടിയന്തര ചികിത്സ ഒരുക്കണമെന്ന് ആരോഗ്യമന്ത്രി നിര്ദേശം നല്കിയിട്ടുണ്ട്.
മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ഏറ്റവും പുതിയ വാർത്തകൾ:
Content Highlights: Blast in Kalamasery; One died; 23 people were injured
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !