ലീഗിൻ്റെ ചതി ഫലസ്തീൻ മക്കൾ പൊറുക്കില്ലന്ന് ഡോ.കെ .ടി.ജലീൽ.. കോഴിക്കോട് നടന്നത് ഇസ്രായേൽ അനുകൂല സമ്മേളനമോ എന്നും ചോദ്യം...

ലീഗിൻ്റെ ചതി ഫലസ്തീൻ മക്കൾ പൊറുക്കില്ലന്നും  കോഴിക്കോട് നടന്നത് ഇസ്രായേൽ അനുകൂല സമ്മേളനമോ എന്ന ചോദ്യം ഉന്നയിച്ച് ഡോ.കെ .ടി.ജലീൽ രംഗത്തെത്തി. എഫ്.ബി.പോസ്റ്റിലൂടെയാണ് ലീഗിനെതിരെ പരിഹാസവാക്കുകളുമായി ജലീൽ രംഗത്ത് വന്നിരിക്കുന്നത്.. എഫ്.ബി.പോസ്റ്റിൻ്റെ പൂർണ്ണ രൂപം...


കോഴിക്കോട്ട് നടന്നത് ഇസ്രായേൽ അനുകൂല സമ്മേളനമോ?

ഫലസ്തീനിലെ പൊരുതുന്ന ജനതക്ക് ഐക്യദാർഢ്യം പ്രകടിപ്പിക്കാൻ ലീഗ് കോഴിക്കോട് കടപ്പുറത്ത് സംഘടിപ്പിച്ച റാലിയിലെ മുഖ്യപ്രഭാഷകൻ ശശി തരൂരിൻ്റെ പ്രസംഗം കേട്ടാൽ ഫലത്തിൽ ഇസ്രായേൽ അനുകൂല സമ്മേളനമാണെതെന്നാണ് ആർക്കും തോന്നുക!

മിസ്റ്റർ ശശി തരൂർ, പതിറ്റാണ്ടുകളായി ഇസ്രായേലിൻ്റെ അടിയും ഇടിയും വെടിയും തൊഴിയും ആട്ടും തുപ്പും സഹിക്കവയ്യാതെ പ്രതികരിച്ചതിനെ ഭീകര പ്രവർത്തനം എന്ന് താങ്കൾ വിശേഷിപ്പിച്ചപ്പോൾ എന്തേ ഇസ്രായേലിനെ കൊടും ഭീകരർ എന്ന് അങ്ങ് വിളിച്ചില്ല? മിസ്റ്റർ തരൂർ, അളമുട്ടിയാൽ ചേരയും കടിക്കും. (മാളത്തിൽ കുത്തിയാൽ ചേരയും കടിക്കും)

അന്ത്യനാൾ വരെ ലീഗിൻ്റെ ഈ ചതി ഫലസ്തീൻ്റെ മക്കൾ പൊറുക്കില്ല. ഫലസ്തീൻ ജനതയുടെ ഉള്ളുരുക്കം കണ്ട് വേദനിച്ച് വന്നവരോടാണ് ശശി തരൂർ "ഇസ്രായേൽ മാല'' പാടിയത്.

സമസ്തക്ക് മുന്നിൽ "ശക്തി" തെളിയിക്കാൻ ലീഗ് നടത്തിയ ഫലസ്തീൻ ഐക്യദാർഢ്യ റാലി ഫലത്തിൽ ലീഗിന് വിനയായി. ലീഗ് ഒരുക്കിക്കൊടുത്ത സദസ്സിനോട് ശശി തരൂർ പ്രസംഗിക്കുന്നതാണ് വീഡിയോ ക്ലിപ്പിംഗായി കൊടുത്തിരിക്കുന്നത്.

ഫലസ്തീനികളുടെ ചെലവിൽ ഒരു ഇസ്രായേൽ ഐക്യദാർഢ്യ സമ്മേളനത്തിന് വേദിയൊരുക്കിയ ലീഗിനോട് ചരിത്രം പൊറുക്കില്ല. വടി കൊടുത്ത് അടി വാങ്ങിയ അന്തവും കുന്തവും തിരിയാത്തവർ.

Content Highlights: Dr. K. T. Jalil said that the Palestinian children will not tolerate the League's deception. The question is whether the meeting held in Kozhikode was pro-Israel.

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ഏറ്റവും പുതിയ വാർത്തകൾ: