തര്‍ക്കത്തിനിടെ അമ്മാവന്റെ കുത്തേറ്റ് സഹോദരി പുത്രൻ മരിച്ചു

തര്‍ക്കത്തിനിടെ മാതൃസഹോദരന്റെ കുത്തേറ്റ് യുവാവ് മരിച്ചു. മലയാറ്റൂര്‍ സ്വദേശി ടിന്റോ (28) ആണ് മരിച്ചത്.

സംഭവത്തില്‍ മലയാറ്റൂര്‍ പയ്യപ്പിള്ളി വീട്ടില്‍ ടോമി(45) യെ കാലടി പൊലീസ് അറസ്റ്റ് ചെയ്‌തു. ചൊവ്വാഴ്‌ച വൈകുന്നേരം 4.30നായിരുന്നു സംഭവം.

മലയാറ്റൂര്‍-കോടനാട് പാലത്തിന് സമീപം ടോമി നടത്തുന്ന ബജ്ജിക്കടയ്‌ക്ക് മുന്നില്‍ വെച്ചായിരുന്നു ആക്രമണം. ടിന്റോ കട നശിപ്പിക്കാൻ ശ്രമിച്ചെന്ന് ആരോപിച്ചായിരുന്നു ആക്രമണം. ടോമിയുടെ സഹോദരി പുത്രനാണ് മരിച്ച ടിൻ്റോ.

ഇവര്‍ പരസ്‌പരം കാണുമ്ബോഴൊക്കെ വഴക്കുണ്ടാക്കാറുണ്ടായിരുന്നു. ചൊവ്വാഴ്‌ച വൈകുന്നേരം കടയിലെത്തിയ ടിന്റോയെ ടോമി കത്തി കൊണ്ട് കുത്തുകയായിരുന്നു. ഗുരുതരമായി പരിക്കേറ്റ ടിന്റോയെ അങ്കമാലി ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. സഹോദരൻ ടോണി, സിബിയാണ് മാതാവ്.

Content Highlights: During the argument, the sister's son died after being stabbed by his uncle

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ഏറ്റവും പുതിയ വാർത്തകൾ: