ചാറ്റ്ലോക്കിന് പിന്നാലെ സ്വകാര്യതയ്ക്കുള്ള കൂടുതല് സൗകര്യങ്ങളുമായി മെറ്റ. വാട്ട്സാപ്പ് ചാറ്റുകള് സുരക്ഷിതമാക്കാനായി പുതിയ രഹസ്യ കോഡ് പരീക്ഷിക്കുകയാണ് കമ്ബനിയെന്നാണ് റിപ്പോര്ട്ടുകള് പറയുന്നത്.
ഇത് ഉപയോക്താക്കളെ അവരുടെ പ്രൊട്ടക്ട് ചാറ്റ് ഫോള്ഡറിന് ഇഷ്ടപ്പെട്ട പാസ്വേഡ് തിരഞ്ഞെടുക്കാൻ അനുവദിക്കും. വൈകാതെ വാട്ട്സാപ്പ് ബീറ്റയില് ഈ ഫീച്ചര് ലഭ്യമാകും.
വാബെറ്റ് ഇൻഫോയുടെ റിപ്പോര്ട്ട് അനുസരിച്ച് ഉടനെ തന്നെ എല്ലാ വാട്ട്സാപ്പുകളിലും ഈ ഫീച്ചറിലും ലഭ്യമാക്കിയേക്കും. സെൻസീറ്റിവ് സംഭാഷണങ്ങള്ക്ക് കൂടുതല് സുരക്ഷ നല്കുന്നതാണ് ഈ ഫീച്ചര്. ആപ്പിന്റെ സെര്ച്ച് ബാറില് നിന്ന് ഉപയോക്താക്കള്ക്ക് അവരുടെ ലോക്ക് ചെയ്ത ചാറ്റുകള് ആക്സസ് ചെയ്യാൻ രഹസ്യ കോഡ് നല്കുകയാണ് ചെയ്യുക.
ഒരു രഹസ്യ കോഡ് കോണ്ഫിഗര് ചെയ്യുന്നത് ഉപയോക്താക്കള്ക്ക് കമ്ബാനിയൻ ഉപകരണങ്ങളില് നിന്നും ചാറ്റുകള് ലോക്ക് ചെയ്യാൻ സഹായകമാകും. പെട്ടെന്നുള്ള ആക്സസിനായി വാട്ട്സാപ്പ് ഒരു വാക്കോ ലളിതമായ ഇമോജിയോ ഉപയോഗിക്കാൻ നിര്ദ്ദേശിക്കുന്നു. ഉപയോക്താക്കള്ക്ക് എപ്പോള് വേണമെങ്കിലും രഹസ്യ കോഡ് മാറ്റാനോ നീക്കം ചെയ്യാനോ കഴിയും. മെയ് മാസത്തില് ഉപയോക്താക്കള്ക്ക് അവരുടെ ഫിംഗര്പ്രിന്റ്, ഫെയ്സ്ലോക്ക് അല്ലെങ്കില് പാസ്കോഡുകള് ഉപയോഗിച്ച് ചാറ്റുകള് ലോക്ക് ചെയ്യാൻ അനുവദിക്കുന്ന ചാറ്റ് ലോക്ക് ഫീച്ചര് വാട്ട്സാപ്പ് അവതരിപ്പിച്ചിരുന്നു.
ആൻഡ്രോയിഡ്, ഐഒഎസ് ഉപയോക്താക്കള്ക്കായാണ് ഫീച്ചര് അവതരിപ്പിച്ചത്.പാസ്കോഡ്, ഫിംഗര്പ്രിന്റ് അല്ലെങ്കില് ഫെയ്സ് അണ്ലോക്ക് ഓപ്ഷനുകള് ഉപയോഗിച്ച് ലോക്ക് ചെയ്ത അവരുടെ മെസെജുകള് സ്വകാര്യമായും സുരക്ഷിതമായും സൂക്ഷിക്കാൻ അനുവദിക്കുന്നു. സംഭാഷണങ്ങളുടെ സ്വകാര്യത ഉറപ്പാക്കാനായി ലോക്ക് ചെയ്ത ചാറ്റ് ത്രെഡുകളെ ഈ ഫീച്ചര് മറ്റൊരു ഫോള്ഡറിലേക്ക് മാറ്റും. അനുവാദമില്ലാതെ ഉപയോക്താവിന്റെ ഫോണ് ആക്സസ് ചെയ്യാൻ ശ്രമിച്ചാല് ആദ്യം ചാറ്റ് ക്ലിയര് ചെയ്യാൻ ആപ്പ് ഉപയോഗിക്കുന്ന ആളോട് ആവശ്യപ്പെടും. ചുരുക്കി പറഞ്ഞാല് ക്ലിയറായ വിൻഡോ ആയിരിക്കും ഉപയോഗിക്കാൻ ശ്രമിക്കുന്ന ആളിന് മുന്നില് ഓപ്പണ് ആകുക. ലോക്ക് ചെയ്ത ചാറ്റില് അയയ്ക്കുന്ന ഫോട്ടോകളും വീഡിയോകളും ഫോണിന്റെ ഗാലറിയില് ഓട്ടോമാറ്റിക് ഡൗണ്ലോഡാകുന്നില്ല എന്നും ലോക്ക് ചാറ്റ് ഫീച്ചര് ഉറപ്പാക്കുന്നു.
Content Highlights:More facilities for privacy; New secret code for WhatsApp chats
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !