എടയൂർ അധികാരിപടി സ്വദേശി പാലക്കൽ കമ്മുക്കുട്ടി മാസ്റ്റർ (66 വയസ്സ്) നിര്യാതനായി. രണ്ട് തവണ അറബിക് അധ്യാപക സംഘടനയായ കെ.എ.എം.എ യുടെ സംസ്ഥാന പ്രസിഡണ്ടായും ഒരു തവണ കുറ്റിപ്പുറം ബ്ലോക്ക് പഞ്ചായത്ത് മെമ്പറായും പ്രവർത്തിച്ചിട്ടുണ്ട്. ദീർഘകാലം എടയൂർ പഞ്ചായത്ത് മുസ്ലീം ലീഗ് ജനറൽ സെക്രട്ടറി, പ്രസിഡണ്ട് സ്ഥാനങ്ങൾ വഹിച്ചു. അധികാരിപ്പടി തംറീനുൽ ഇസ്ലാം മദ്രസയുടെ ജനറൽ സെക്രട്ടറി, പ്രസിഡണ്ട് പദവികൾ, മദ്രസ മാനേജ്മെൻ്റ് അസോസിയേഷൻ വളാഞ്ചേരി മേഖല ജനറൽ സെക്രട്ടറി, എസ്.വൈ.എസ് എടയൂർ പഞ്ചായത്ത് സെക്രട്ടറി, കോട്ടക്കൽ മണ്ഡലം എസ്.ടി.യു ജനറൽ സെക്രട്ടറി, പ്രസിഡണ്ട് പദവികളും വഹിച്ചിട്ടുണ്ട്.
കോഴിക്കോട് മുക്കം മുസ്ലീം യത്തീംഖാനയിലായിരുന്നു പത്താം തരം വരെ പഠനം നടത്തിയത്. ശേഷം വളവന്നൂർ അൻസാർ അറബിക് കോളേജിലായിരുന്നു ഉപരിപഠനം. പഠനം പൂർത്തിയാക്കിയ ശേഷം കഞ്ഞിപ്പുര, ഏലംകുളം എന്നിവിടങ്ങളിൽ സ്കൂൾ, മദ്രസ അധ്യാപകനായി പ്രവർത്തിച്ചു. 2014ൽ വിരമിക്കുമ്പോൾ എടയൂർ കെ.എം.യു.പി സ്കൂൾ അറബിക് അധ്യാപകനായിരുന്നു. സൈനബയാണ് ഭാര്യ. നിയാസ്, നിസാർ, നിസാമുദ്ദീൻ എന്നിവർ മക്കളാണ്. സുമയ്യ, ഫാത്തിമ, മുഫീദ എന്നിവരാണ് മരുമക്കൾ..
ഖബറടക്കം മൂന്നാക്കൽ ജുമാ മസ്ജിദ് ഖബർസ്ഥാനിൽ നടന്നു..
Content Summary: Master P. Kammukutty of Edaiyur passed away
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !