പരപ്പനങ്ങാടിയിൽ കാൽനട യാത്രക്കാരൻ കാറിടിച്ചു മരിച്ചു

പരപ്പനങ്ങാടി: പരപ്പനങ്ങാടിയിൽ കാൽനട യാത്രക്കാരൻ കാറിടിച്ചു മരിച്ചു. ഉപ്പുണിപ്പുറം കോട്ടത്തറയിൽ പ്രസാദ് (47) ആണ് മരിച്ചത്.ഞായറാഴ്ച രാവിലെ ചിറമംഗലം അംബേദ്കർ റോഡിനു സമീപമാണ് അപകടമുണ്ടായത്.

തയ്ക്കോണ്ടോ പരിശീലകനായ പ്രസാദ് പൂരപ്പുഴയിലെ കരാട്ടെ പരിശീലന ക്ലാസിലേയ്ക്ക് നടന്നു പോവും വഴിയാണ് കാറിടിച്ചതെന്ന് നാട്ടുകാർ പറഞ്ഞു.

ആശുപത്രിയിൽ എത്തിച്ചെങ്കിലും മരണം സംഭവിച്ചു.മൃതദേഹം തിരൂരങ്ങാടി താലൂക്ക് ആശുപത്രി മോർച്ചറിയിലേയ്ക്ക് മാറ്റി.മുൻ പരപ്പനങ്ങാടി മണ്ഡലം യൂത്ത് കോൺഗ്രസ് ജനറൽ സെക്രട്ടറിയായിരുന്നു പ്രസാദ്. 

അതേസമയം റോഡിൽ രൂപപ്പെട്ട കുഴിയും വാഹനത്തിൻ്റെ അമിത വേഗതയുമാണ് അപകടത്തിനു കാരണമായതെന്ന് നാട്ടുകാർ പറഞ്ഞു.

പരേതനായ രാമൻ്റെയും ചിന്നയുടെയും മകനാണ്.സുബിതയാണ് ഭാര്യ. ശ്രീകാന്ത്, ശ്രീ ശാന്ത്, ശ്രീ ദർശ് എന്നിവർ മക്കളാണ്. മുൻ പരപ്പനങ്ങാടി നഗരസഭാ കൗൺസിലർ ഹരിദാസൻ സഹോദരനാണ്.

Content Summary: Pedestrian in Parapanangadi

Died by a car

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: