സൗദിയിൽ വാഹനാപകടത്തിൽ മരിച്ച കൊടുവള്ളി സ്വദേശിയുടെ മൃതദേഹം നാട്ടിലെത്തിച്ച് ഖബറടക്കി

റിയാദ്|കഴിഞ്ഞ ചൊവ്വാഴ്ച ജിദ്ദ-ജിസാൻ ഹൈവേയിലെ അൽലൈത്തിൽ വെച്ചുണ്ടായ വാഹനാപകടത്തിൽ മരണപ്പെട്ട കോഴിക്കോട് കൊടുവള്ളി ആവിലോറ പാറക്കൽ കിഴക്കേചെവിടൻ സ്വദേശി മുഹമ്മദ് ബാദുഷ ഫാരിസിൻ്റെ മൃതദേഹം നാട്ടിലെത്തിച്ച് ഖബറടക്കി. ജിദ്ദയിൽ നിന്ന് പുലർച്ചെ സ്റ്റേഷനറി സാധനങ്ങളുമായി ജിസാനിലേക്ക് പോവുകയായിരുന്ന ഇദ്ദേഹത്തിൻ്റെ മിനി ലോറി (ഡൈന) ഒരു ട്രെയിലറിന് പിന്നിൽ ഇടിച്ചാണ് അപകടമുണ്ടായത്.

ജിദ്ദ മോർച്ചറിയിൽ സൂക്ഷിച്ചിരുന്ന മൃതദേഹം ഫോറൻസിക് സെൻ്ററിൽ നിന്ന് എംബാം നടപടികൾ പൂർത്തിയാക്കി ശനിയാഴ്ച രാവിലെ മയ്യിത്ത് നമസ്കാരശേഷം വൈകീട്ടുള്ള ഫ്ലൈനാസ് വിമാനത്തിൽ നാട്ടിലേക്ക് കൊണ്ടുപോയി. ഞായറാഴ്ച രാവിലെ 8:30-ന് കരിപ്പൂർ വിമാനത്താവളത്തിലെത്തിയ മൃതദേഹം കുടുംബാംഗങ്ങളും സുഹൃത്തുക്കളും നാട്ടുകാരും ചേർന്ന് ഏറ്റുവാങ്ങി. വീട്ടിലെ പൊതുദർശനത്തിന് ശേഷം വൻ ജനാവലിയുടെ സാന്നിധ്യത്തിൽ ഉരുളിക്കുന്ന് ജുമാമസ്ജിദിൽ മയ്യിത്ത് നമസ്കാരത്തിന് ശേഷം ഖബറടക്കി.

കെ.എം.സി.സി സൗദി നാഷണൽ കമ്മിറ്റി വെൽഫെയർ വിംഗ് കൺവീനർ മുഹമ്മദ് കുട്ടി പാണ്ടിക്കാട്, കെ.എം.സി.സി അൽലൈത്ത് ഭാരവാഹികൾ, ജിദ്ദ വെൽഫെയർ വിംഗ് പ്രവർത്തകർ, കോഴിക്കോട് ജില്ല, കൊടുവള്ളി മണ്ഡലം നേതാക്കന്മാർ എന്നിവർ മൃതദേഹം നാട്ടിലെത്തിക്കാനുള്ള നടപടിക്രമങ്ങൾക്ക് നേതൃത്വം നൽകി.

ഈ വാർത്ത കേൾക്കാം

Content Summary: The body of a Kozhikode native who died in a car accident in Saudi Arabia was brought back to the country and buried.

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: