ഇന്ദിരാഗാന്ധി നാഷണൽ ഓപ്പൺ യൂണിവേഴ്സിറ്റി (ഇഗ്നോ) എട്ട് സൗജന്യ മാനേജ്‌മെന്റ്, കൊമേഴ്‌സ് കോഴ്സുകൾക്ക് അപേക്ഷ ക്ഷണിച്ചു. 'സ്വയം' പോർട്ടൽ വഴി ഓൺലൈനായി നടത്തുന്ന ഈ കോഴ്സുകൾക്ക് സെപ്റ്റംബർ 15 വരെ അപേക്ഷിക്കാം. അടിസ്ഥാനപരമായ കൊമേഴ്‌സ്, മാനേജ്‌മെന്റ് തത്വങ്ങൾ മുതൽ ആധുനിക ഡിജിറ്റൽ തന്ത്രങ്ങൾ വരെ ഈ കോഴ്സുകളിൽ ഉൾപ്പെടുന്നു.
ഈ എട്ട് കോഴ്സുകൾ ഇവയാണ്:
ബിസിനസ് ഓർഗനൈസേഷനും മാനേജ്‌മെന്റും: ബി.കോം. വിദ്യാർത്ഥികളെ ബിസിനസിന്റെയും സംരംഭങ്ങളുടെയും അടിസ്ഥാനകാര്യങ്ങൾ പഠിപ്പിക്കുന്നു.
ബിസിനസ് ലോ: സാമൂഹിക, വാണിജ്യ കരാറുകൾ ഉൾപ്പെടെ നിയമപരമായ വിഷയങ്ങളിൽ തീരുമാനമെടുക്കാൻ മാനേജ്‌മെന്റിനെ സഹായിക്കാൻ ഇത് ലക്ഷ്യമിടുന്നു.
ഇൻകം ടാക്സ് ലോ ആൻഡ് പ്രാക്ടീസ്: ആദായ നികുതി നിയമങ്ങൾ, ചട്ടങ്ങൾ എന്നിവയെക്കുറിച്ച് പരിചയപ്പെടുത്തുന്നു.
മാർക്കറ്റിങ് തത്വങ്ങൾ: മാർക്കറ്റിങ്ങിലെ അടിസ്ഥാനകാര്യങ്ങൾ, ഘടകങ്ങൾ, ബിസിനസ്സിൽ മാർക്കറ്റിങ്ങിനുള്ള പ്രാധാന്യം എന്നിവ ഇതിൽ ഉൾപ്പെടുന്നു.
ബിസിനസ് കമ്മ്യൂണിക്കേഷൻ: മീറ്റിംഗുകൾ, അവതരണങ്ങൾ, ക്ലയന്റ് ഇടപെടലുകൾ തുടങ്ങിയ ബിസിനസ് സന്ദർഭങ്ങളിൽ ഫലപ്രദമായി ആശയവിനിമയം നടത്താൻ പരിശീലിപ്പിക്കുന്നു.
സാമ്പത്തിക സാക്ഷരത: സാമ്പത്തിക തീരുമാനങ്ങൾ കൈകാര്യം ചെയ്യുന്നതിൽ വൈദഗ്ദ്ധ്യം വളർത്താൻ സഹായിക്കുകയാണ് ഈ കോഴ്സിന്റെ ലക്ഷ്യം.
സംരംഭകത്വ വൈദഗ്ധ്യവും ഡിജിറ്റൽ മാർക്കറ്റിംഗ് തന്ത്രങ്ങളും: സംരംഭകത്വത്തിന്റെ അടിസ്ഥാനകാര്യങ്ങളെ ആധുനിക ഡിജിറ്റൽ മാർക്കറ്റിങ് സംവിധാനങ്ങളുമായി ബന്ധിപ്പിച്ച് പരിചയപ്പെടുത്തുന്നു.
സംരംഭകർ, കോളേജ് വിദ്യാർത്ഥികൾ, ചെറുകിട ബിസിനസ് ഉടമകൾ എന്നിവർക്കായി പ്രത്യേകം രൂപകൽപ്പന ചെയ്ത കോഴ്സുകളാണിവ. കൂടുതൽ വിവരങ്ങൾക്കും അപേക്ഷിക്കാനും 'സ്വയം' പോർട്ടൽ സന്ദർശിക്കാവുന്നതാണ്.
ഈ വാർത്ത കേൾക്കാം
Content Summary: Free online courses at IGNOU: Apply now for management and commerce subjects
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !