അബുദാബി: കൊറോണ വെെറസ് പടര്‍ന്നുപിടിക്കുന്ന സാഹചര്യത്തില്‍ പുതിയ നടപടികള്‍ കെെക്കൊണ്ട് യു.എ.ഇ. സാമൂഹിക സമ്ബര്‍ക്കം പരിമിതപ്പെടുത്തുന്നതിനായാണ് യു.എ.ഇ കൂടുതല്‍ നിയന്ത്രണങ്ങള്‍ ഏര്‍പ്പെടുത്താന്‍ തീരുമാനിച്ചത്. ആരോഗ്യമന്ത്രാലയവും, ദുരന്തനിവാരണ സമിതിയുമാണ് ഇതുസംബന്ധിച്ച ഉത്തരവിട്ടത്. നടപടികള്‍ ഇങ്ങനെ...
1-യു.എ.യിലെ എല്ലാ ഷോപ്പിംഗ് മാളുകളും വാണിജ്യ കേന്ദ്രങ്ങളും 48 മണിക്കൂറിനുള്ളില്‍ അടച്ചിടും.
2-അവശ്യവസ്തുക്കള്‍, ഭക്ഷണ സാധനങ്ങള്‍ എന്നിവ കിട്ടുന്ന സ്ഥലങ്ങളും, ഫാര്‍മസികള്‍, പലചരക്ക് കടകള്‍ എന്നിവ മാത്രം തുറക്കും.
3-റസ്റ്റോറന്റുകളും മറ്റ് ഭക്ഷണശാലകളും അടച്ചിടും. ഭക്ഷണം വീട്ടില്‍ എത്തിച്ച്‌ നല്‍കുന്നതിനുള്ള സര്‍വീസ് മാത്രമേ നടത്തൂ.
4-ഭക്ഷണങ്ങളോ പലചരക്ക് സാധനങ്ങള്‍ വാങ്ങാനോ മാത്രം പുറത്തിറങ്ങുക.
5-കാറില്‍ സഞ്ചരിക്കുകയാണെങ്കില്‍ മൂന്നില്‍ കൂടുതല്‍ പേര്‍ ഉണ്ടാവരുത്.
6-പൊതു സ്ഥലങ്ങളില്‍ കൂട്ടം കൂടി നില്‍ക്കരുത്.
7-പൊതുഗതാഗതത്തെ കുറിച്ച്‌ വിശദമായ നിര്‍ദേശങ്ങള്‍ അധികൃതര്‍ പിന്നീട് അറിയിക്കും.
8-48 മണിക്കൂറിനുള്ളില്‍ മുഴുവന്‍ വിമാന യാത്രാ സര്‍വീസുകളും നിറുത്തി വയ്ക്കും.
9-അത്യാവശ്യത്തിനും ജോലി ആവശ്യത്തിനും മാത്രമല്ലാതെ ജനങ്ങള്‍ വീടിന് പുറത്തിറങ്ങരുത്.
ഇക്കഴിഞ്ഞ ശനിയാഴ്ചയാണ് കൊറോണ വെെറസ് ബാധിച്ച്‌ യു.എ.യില്‍ ആദ്യ രണ്ട് മരണം റിപ്പോര്‍ട്ട് ചെയ്തത്. രാജ്യത്ത് രോഗബാധ വ്യാപകമാകുന്നത് തടയുന്നതിനായുള്ള കഠിനശ്രമങ്ങള്‍ നടത്തിവരുന്നതിനിടെയാണ് മരണം. ജനുവരി 29നാണ് യു.എ.ഇയില്‍ ആദ്യ കൊറോണ കേസ് റിപ്പോര്‍ട്ട് ചെയ്തത്. 12 ഇന്ത്യക്കാര്‍ ഉള്‍പ്പെടെ രാജ്യത്ത് 140 പേര്‍ക്കാണ് ഇതിനകം രോഗം സ്ഥിരീകരിച്ചത്. ഇവരില്‍ 31 പേര്‍ രോഗവിമുക്തി നേടി. യാത്രാ വിലക്കുകള്‍ ഏര്‍പ്പെടുത്തിയും അവധി പ്രഖ്യാപിച്ചും രോഗവ്യാപനം തടയാന്‍ ഊര്‍ജിതനീക്കം തുടരുന്ന ഘട്ടത്തിലും രോഗികളുടെ എണ്ണം ഉയരുകയാണ്.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !