കുറ്റിപ്പുറം : ഉപരിതലം നവീകരിക്കുന്നതിനാൽ ശനിയാഴ്ചരാത്രി ഒൻപതുമുതൽ ഞായറാഴ്ച രാവിലെ ആറുവരെ കുറ്റിപ്പുറം പാലത്തിൽ ഗതാഗത നിയന്ത്രണം ഏർപ്പെടുത്തുമെന്ന് എക്സിക്യൂട്ടീവ് എൻജിനീയർ അറിയിച്ചു.
കോഴിക്കോട് ഭാഗത്തേക്ക് ഇരു ചക്രവാഹനങ്ങൾ ഉൾപ്പെടെയുള്ള വാഹനഗതാഗതം പൂർണമായും നിരോധിക്കും. കോഴിക്കോട്ടുനിന്ന് തൃശ്ശൂർ ഭാഗത്തേക്ക് ഭാരവാഹനങ്ങൾ ഒഴികെ മുഴുവൻ യാത്രവാഹനങ്ങൾക്കും പാലത്തിലൂടെ കടന്നുപോകാം. കോഴിക്കോട്ടുനിന്ന് തൃശ്ശൂർ, പൊന്നാനി ഭാഗത്തേക്കുള്ള ഭാരവാഹനങ്ങളും തൃശ്ശൂർ പൊന്നാനി ഭാഗത്തുനിന്ന് കോഴിക്കോട് ഭാഗത്തേക്കുള്ള ഇരുചക്രവാഹനങ്ങൾ ഉൾപ്പെടെയുള്ള മുഴുവൻ വാഹനങ്ങളും കുറ്റിപ്പുറം പാലത്തിൽ പ്രവേശിക്കാതെ തിരിഞ്ഞുപോകണം.
കഴിഞ്ഞ നവംബറിലാണ് പാലത്തിൽ നവീകരണജോലികൾ ആരംഭിച്ചത്. പാലത്തിന്റെ ഉപരിതലത്തിലെ കോൺക്രീറ്റ് തകർന്നഭാഗത്ത് എപോക്‌സി കോട്ടിങ്ങും അതിനുമുകളിലായി മാസ്റ്റിക് അസ്വാൾട്ടും ഉപയോഗിച്ച് നവീകരിച്ചിട്ടുണ്ട്. ബിറ്റുമിൻ കോൺക്രീറ്റും ടാറിങ്ങുമാണ് ഇനി ചെയ്യാൻ ബാക്കിയുള്ളത്.
ശബരിമല തീർഥാടനകാലം കണക്കിലെടുത്തും നിലവിൽ നവീകരിച്ചഭാഗത്തിന് ഏതെങ്കിലും തരത്തിലുള്ള കേടുപാടുകൾ സംഭവിക്കുന്നുണ്ടോ എന്ന് മനസ്സിലാക്കുന്നതിനുംവേണ്ടിയാണ് ശേഷിയ്ക്കുന്ന പണികൾ മാറ്റിവെച്ചത്.
യാത്ര ഇതുവഴിയാക്കാം
തൃശ്ശൂർ ഭാഗത്തേക്ക് (ഭാരവാഹനങ്ങൾക്ക്)
1. എടരിക്കോടുനിന്ന് തിരിഞ്ഞ് തിരൂർ ചമ്രവട്ടം പാലംവഴി
2. പുത്തനത്താണിയിൽനിന്ന് തിരിഞ്ഞ് തിരുനാവായ-കൊടയ്ക്കൽ-ആലത്തിയൂർ- ചമ്രവട്ടം പാലംവഴി
3. വളാഞ്ചേരി-കൊപ്പം പട്ടാമ്പി പെരുമ്പിലാവ് വഴി
കോഴിക്കോട് ഭാഗത്തേക്ക് (എല്ലാ വാഹനങ്ങളും)
1. പെരുമ്പിലാവ്-പട്ടാമ്പി-കൊപ്പം-വളാഞ്ചേരി
2. നടുവട്ടം കരിങ്കല്ലത്താണി-ചമ്രവട്ടം ജങ്ഷൻ-ചമ്രവട്ടം പാലംവഴി
3. എടപ്പാൾ-പൊന്നാനി-ചമ്രവട്ടം പാലംവഴി.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !