 |
| ജില്ലാ സെക്രട്ടറി പി.എം. ആശിഷ് പി.പി.ഇ കിറ്റ് വാങ്ങുന്നതിനുള്ള ഒന്നാം ഗഡു സംസ്ഥാന സെക്രട്ടറി എം. വിനോദിനെ ഏല്പിക്കുന്നു |
മലപ്പുറം: പ്രതിഷേധിക്കാനുള്ള ജനാധിപത്യ അവകാശം ചില അധ്യാപക സംഘടനകൾ അനവസരത്തിൽ ഉപയോഗിച്ചത് കാരണം പൊതു സമൂഹത്തിൽ നിന്നും ഏറെ പഴിക്കേട്ട അധ്യാപക സമൂഹത്തിന് മാതൃകയാവുകയാണ് മലപ്പുറം ജില്ലയിലെ ആൾ കേരള സ്കൂൾ ടീച്ചേഴ്സ് യൂണിയൻ (എ.കെ.എസ്.ടി.യു) പ്രവർത്തകർ.
വിവിധ മേഖലയിൽ നിന്നും വരുന്ന വിദ്യാർഥികളുമായി അടുത്തിട കലർന്ന് ജോലി ചെയ്യുന്ന അധ്യാപകർക്ക് അവരുടെ സേവന വേതന വർധനവിന് വേണ്ടി മാത്രമല്ല, സമൂഹത്തിന്റെ ഉത്തമ താൽപ്പര്യങ്ങൾ കൂടി സംരക്ഷിക്കാൻ ബാധ്യതയുണ്ടെന്ന് കൂടി നമ്മെ ബോധ്യപ്പെടുത്തുന്നു. കോവിഡ് പ്രതിരോധ പ്രവർത്തനങ്ങളിൽ താങ്ങും, തണലുമായ ആരോഗ്യ പ്രവർത്തകർക്ക് പി.പി.ഇ കിറ്റുകൾ വിതരണം ചെയ്യുന്നതിനായി ജില്ലയിലെ പ്രധാന പ്രവർത്തകരിൽ നിന്നും തുക സ്വരൂപിക്കുന്ന പ്രവർത്തനം ആരംഭിച്ചു. നേരത്തെ 3000 മാസ്ക്കുകൾ നിർമ്മിച്ച് വിവിധ ജനവിഭാഗങ്ങൾക്ക് വിതരണം ചെയ്യുന്നതിനായി മലപ്പുറം ജില്ലാ ആസ്ഥാനത്തുള്ള വിവിധ സർക്കാർ ഓഫീസുകൾക്ക് കൈമാറുകയും ചെയ്തിരുന്നു. ലോക്ക് ഡൗൺ ക്കാലത്ത് സംസ്ഥാനത്തിന്റെ വരുമാനം നിലക്കുകയും, സാധാരണക്കാർക്ക് ഉൾപ്പെടെ തൊഴിൽ ചെയ്യാനുള്ള സാഹചര്യം ഇല്ലാതാവുകയും ചെയ്തതോടെ സംഭവിച്ച സാമ്പത്തിക പ്രതിസന്ധിയിൽ സർക്കാർ ആവശ്യപ്പെടുന്നതിന് മുമ്പ് തന്നെ ഒരു മാസത്തെ ശമ്പളം നൽകുമെന്ന സാലറി ചാലഞ്ച് ആദ്യം പ്രഖ്യാപിച്ച സംഘടനയാണ് എ.കെ.എസ്.ടി.യു. പ്രളയക്കാലത്ത് ഒരു മാസത്തെ ശമ്പളം നൽകിയതോടപ്പം, മുഖ്യമന്ത്രിയുടെ ദുരിതാശ്വാസ നിധിയിലേക്കും വലിയ തുക സ്വരൂപിച്ച് കൈമാറുകയും ചെയ്തിരുന്നു.കഴിഞ്ഞ പ്രളയത്തിൽ എ.കെ.എസ്.ടി.യു ജില്ലാ കമ്മിറ്റി രണ്ട് ലക്ഷത്തിലധികം രൂപയുടെ പഠനോപകരണങ്ങൾ മലയോര മേഖലയിലെ വിവിധ കേന്ദ്രങ്ങളിൽ മാത്രം വിതരണം ചെയ്തിരുന്നു. ആരോഗ്യ പ്രവർത്തകർക്കായി പി.പി.ഇ കിറ്റ് വാങ്ങി നൽകുന്നതിനുള്ള ജില്ലയിൽ നിന്നുമുള്ള തുകയുടെ ഒന്നാം ഗഡുവായി ഒരു ലക്ഷത്തോളം രൂപ ജില്ലാ സെക്രട്ടറി പി.എം. ആശിഷ് , സംസ്ഥാന സെക്രട്ടറി എം. വിനോദിന് കൈമാറി. ജില്ലാ പ്രസിഡണ്ട് പി.എം. സുരേഷ്, ട്രഷറർ സി.എം. സുബോധ്, സംസ്ഥാന കമ്മിറ്റി അംഗങ്ങളായ എം.ഡി. മഹേഷ്, ടി.ജെ. രാജേഷ്, ഷീജ മോഹൻ ദാസ്, ജില്ലാ വൈ. പ്രസിഡണ്ട് അനൂപ് മാത്യ, വി.കെ. ശ്രീകാന്ത്, മുഹമ്മദ് റാഫി, ടി.ടി. വാസുദേവൻ, ശശികല, പി.ടി. സെയ്ഫുദ്ദീൻ, ബി.പി. ശ്രീജിത്ത്, സുരേന്ദ്രൻ കളത്തിൽ, യു.എസ്. പ്രദീപ്, സി.കെ. പത്മരാജ്, ലിമേഷ് മേക്കാട്ട് സുധീർ, സജയൻ എന്നിവർ നേതൃത്വം നൽകി.
find Mediavision TV on social media
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !