കൊച്ചിയില് നടന്ന വന് ലഹരി മരുന്ന് വേട്ടയില് ഒരു കോടിയിലേറെ വിലമതിക്കുന്ന മാരക മയക്കു മരുന്നു പിടിച്ചെടുത്തു. കാക്കനാട് കേന്ദ്രീകരിച്ച് വ്യാഴാഴ്ച പുലര്ച്ചെ കസ്റ്റംസും എക്സൈസ് വകുപ്പും ചേര്ന്നാണ് പരിശോധന നടത്തിയത്. രണ്ടു സ്ത്രീകള് ഉള്പ്പെടെയുള്ളവര് സംഘത്തിലുണ്ട്. ഒരു കോടിയിലേറെ വിലയുള്ള എംഡിഎംഎയുമായി ഏഴംഗ സംഘമാണ് എക്സൈസ് പിടിയിലായത്.
കാക്കനാട് കേന്ദ്രമാക്കി എറണാകുളം ജില്ലയിലെ ചില ഹോട്ടലുകളിലാണ് പരിശോധന നടന്നത്. തമിഴ്നാട്ടില് നിന്ന് കേരളത്തിലേയ്ക്ക് കടത്തിയതാണ് ഇവയെന്ന് പൊലീസ് പറയുന്നു. സംഘത്തിലെ ചിലര് കഴിഞ്ഞ ദിവസങ്ങളില് ചെന്നെ, കോയമ്പത്തൂര് എന്നിവിടങ്ങളില് പോയിരുന്നതായി പൊലീസ് സ്ഥിരീകരിച്ചു. പോണ്ടിച്ചേരി, ചെന്നെ, കോയമ്പത്തൂര് എന്നിവിടങ്ങളില് നിന്ന് വാങ്ങിയ ലഹരി ഗുളികകളാണ് ഇപ്പോള് പിടിച്ചെടുത്തിരിക്കുന്നത്. ചെന്നൈയില് നിന്ന് സാധനം എത്തിച്ച് കേരളത്തില് പല സ്ഥലങ്ങളിലും വില്പന നടത്തുന്ന സംഘമാണ് പിടിയിലായത്.
ഇതിന് മുന്പും കൊച്ചിയിലെ ആഡംബര ഹോട്ടലുകള് കേന്ദ്രീകരിച്ച് എക്സൈസ് ലഹരി മരുന്ന് വേട്ട നടത്തിയിരുന്നു. ഇതിന്റെ രണ്ടാം ഘട്ടമെന്ന നിലയില് നടത്തിയ അന്വേഷണത്തിലാണ് സംഘം പിടിലായത്. കൂടുതല് അറസ്റ്റ് ഈ കേസില് ഉണ്ടാകുമെന്ന് പ്രതീക്ഷിക്കുന്നു
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !