ഒമാന്: ഇന്ത്യ, പാകിസ്ഥാന്, ബംഗ്ലാദേശ് എന്നിവ ഉള്പ്പെടെ 18 രാജ്യങ്ങളില് നിന്നുള്ളവര്ക്ക് ഏര്പ്പെടുത്തിയിരിക്കുന്ന വിലക്ക് ഒമാന് പിന്വലിച്ചു. രണ്ട് ഡോസ് വാക്സിനെടുത്തവര്ക്ക് ഒമാനിലേക്ക് പ്രവേശിക്കാം. സിവില് ഏവിയേഷന് അതോരിറ്റി ഇന്ന് പുറപ്പെടുവിച്ച ഉത്തരവില് ആണ് ഇതു സംബന്ധിച്ച കാര്യങ്ങള് പറയുന്നത്.
സെപ്തംബര് ഒന്ന് മുതലായിരിക്കും പ്രവേശനം അനുവദിക്കുക. കൊവിഡ് വ്യാപനത്തിന്റെ പശ്ചാത്തലത്തിൽ ഏപ്രിൽ മുതലാണ് ഇന്ത്യക്കാർക്ക് ഒമാൻ വിലക്കേർപ്പെടുത്തിയത്. വിലക്ക് പിന്വലിക്കുന്നതും കാത്ത് നിരവധി പ്രവാസികള് ആണ് നാട്ടില് കഴിയുന്നത്. നാട്ടിൽ കുടുങ്ങിയ പ്രവാസികള്ക്ക് ഒമാനിലേക്ക് പോകാനും സാധിക്കും.
ഒമാനിലേക്ക് വരുന്ന 18 വയസിന് മുകളിൽ പ്രായമുള്ളവർക്ക് രണ്ട് ഡോസ് വാക്സിൻ നിര്ബന്ധമാക്കി കഴിഞ്ഞ ദിവസം സുപ്രീം കമ്മിറ്റി ഉത്തരവ് പുറപ്പെടുവിച്ചിരുന്നു. കര, കടൽ, വ്യോമ അതിർത്തി വഴി ഒമാനിലേക്ക് വരുന്നവര്ക്ക് ഈ നിയമം ബാധകമാണ്. ഓക്സ്ഫഡ് ആസ്ട്രാസെനക്ക, ഫൈസർ, സ്പുട്നിക്ക്, സിനോവാക്ക് വാക്സിനുകൾ ആണ് ഒമാനില് അംഗീകരിച്ചിട്ടുള്ളത്. ഇതില് ഏതെങ്കിലും ഒരു വാക്സിന് രണ്ട് ഡോസ് സ്വീകരിച്ചവര്ക്ക് ഒമാനിലേക്ക് തിരിക്കാം
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !