ആ​ത്മാ​ഭി​മാ​ന​ത്തി​നു പോ​റ​ൽ ഏ​റ്റ​പ്പോ​ൾ പ്ര​തി​ക​രി​ച്ച​താ​ണ്, നീ​തി പ്ര​തീ​ക്ഷി​ച്ചി​രു​ന്നു: മുഫീദ തെസ്നി

ഹരിത സംസ്ഥാന കമ്മിറ്റി പിരിച്ചുവിട്ട മുസ്‍ലിം ലീഗ് തീരുമാനത്തിനെതിരെ പ്രതികരണവുമായി മുഫീദ തെസ്നി. ലീഗ് നേതൃത്വം ഇന്നലെ പിരിച്ചുവിട്ട എം.എസ്.എഫ് വനിതാ വിഭാഗം ‘ഹരിത’ സംസ്ഥാന കമ്മിറ്റി പ്രസിഡന്‍റാണ് മുഫീദ തെസ്നി. സ്ത്രീ​ത്വ​ത്തെ അ​പ​മാ​നി​ക്കും വി​ധം പ​രാ​മ​ർ​ശ​ങ്ങ​ൾ ന​ട​ത്തി​യ ഏതാനും എംഎ​സ്എ​ഫ് നേ​താ​ക്ക​ൾ​ക്കെ​തി​രെ ഹരിത പരാതിയുമായി രംഗത്തെത്തിയത് വിവാദമായിരുന്നു. എം.എസ്.എഫ് നേതാക്കൾക്കെതിരെ വനിതാ കമ്മീഷന് നല്‍കിയ പരാതി പിൻവലിക്കണമെന്ന മുസ്ലിം ലീഗ് നേതൃത്വത്തിന്റെ അന്ത്യശാസനം ഹരിത നേതൃത്വം തള്ളിയ സാഹചര്യത്തിലായിരുന്നു ‘ഹരിത’ പിരിച്ചുവിട്ടത്.

അതേസമയം ലീ​ഗ് പ്ര​ത്യ​യ​ശാ​സ്ത്ര​ത്തി​നെ​തി​രെ​യോ ന​യ​ങ്ങ​ൾ​ക്കെ​തി​രെ​യോ അ​ല്ല തങ്ങളുടെ പോ​രാ​ട്ടം എന്ന് മുഫീദ തെസ്നി വ്യക്തമാക്കി. സം​ഘ​ട​നാ​പ​ര​മാ​യി അ​വ​കാ​ശ​ങ്ങ​ൾ ല​ഭി​ക്കാ​ഞ്ഞ​തു​കൊ​ണ്ടു​മ​ല്ല. ആ​ത്മാ​ഭി​മാ​ന​ത്തി​നു പോ​റ​ൽ ഏ​റ്റ​പ്പോ​ൾ പ്ര​തി​ക​രി​ച്ച​താ​ണ്. അ​തി​ൽ നീ​തി പ്ര​തീ​ക്ഷി​ച്ചി​രു​ന്നു എന്നും മാധ്യമം പത്രത്തിലെഴുതിയ ലേഖനത്തിൽ മുഫീദ പറഞ്ഞു.

ലീഗ് നേ​തൃ​ത്വം സ്വീ​ക​രി​ച്ച ന​ട​പ​ടി​യി​ലെ ശ​രി​-തെ​റ്റു​ക​ളെ​ക്കു​റി​ച്ച് കേ​ര​ളീ​യ സ​മൂ​ഹം ച​ർ​ച്ച തു​ട​ങ്ങി​യി​ട്ടു​ണ്ട്. ഹ​രി​ത പ​രാ​തി ന​ൽ​കി​യ വി​ഷ​യ​ത്തി​ൽ എ​തി​ർ ക​ക്ഷി പാ​ർ​ട്ടി​യോ പാ​ർ​ട്ടി ഘ​ട​ക​ങ്ങ​ളോ അ​ല്ല. ഭാ​ര​വാ​ഹി​ക​ളാ​യ ചി​ല​രാ​ണ്‌. സ്ത്രീ​വി​രു​ദ്ധ പ​രാ​മ​ര്‍ശ​ങ്ങ​ളും വ്യ​ക്തി അ​ധി​ക്ഷേ​പ​ങ്ങ​ളും പാ​ര്‍ട്ടി നേ​തൃ​ത്വം ഗൗ​ര​വ​മാ​യി കാ​ണു​മെ​ന്നാ​യി​രു​ന്നു പ്ര​തീ​ക്ഷ. അ​ച്ച​ട​ക്ക ലം​ഘ​നം ന​ട​ത്തി​യി​ട്ടി​ല്ല. വ​നി​ത ക​മീ​ഷ​നി​ൽ പോ​വു​ക​യെ​ന്ന​ത് ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​മാ​ണ്. പി​ടി​ച്ച കൊ​ടി തെ​റ്റി​യി​ട്ടി​ല്ലെ​ന്ന് ഇ​നി​യും വി​ശ്വ​സി​ക്കു​ന്നു. പ​ച്ച​പ്പ് പ്ര​തീ​ക്ഷ​യു​ടേ​താ​ണ്. ആ ​പ്ര​തീ​ക്ഷ മു​റു​കെ​പ്പി​ടി​ച്ചുത​ന്നെ സ്ത്രീ​ത്വ​ത്തെ​യും മ​നു​ഷ്യ​ത്വ​ത്തെ​യും അ​പ​മാ​നി​ക്കു​ന്ന​വ​ർ​ക്കെ​തി​രെ പോ​രാ​ട്ടം തുടരും.ഉ​ത്ത​ര​വാ​ദി​ത്ത​പ്പെ​ട്ട സ്ഥാ​ന​ങ്ങ​ളി​ൽ ഇ​രു​ന്നുകൊ​ണ്ട് വ​രു​ന്ന ത​ല​മു​റ​ക്ക് മു​ന്നി​ൽ ഇ​ത്തരമൊരു സ​ന്ദേ​ശം പ​ങ്കു വെ​ക്കേ​ണ്ട​തു​ണ്ട്.

തെ​റ്റി​നെ​തി​രെ വി​ര​ൽ ചൂ​ണ്ടേണ്ട കാ​ല​ത്ത്​ അ​തു ചെ​യ്​തി​ല്ലയെ​ങ്കി​ൽ എ​ന്നും കു​റ്റ​ബോ​ധം പേ​റേ​ണ്ടി വ​രും. ആ​ത്മാ​ഭി​മാ​നം മുറുകെപ്പിടിച്ചുവേണം ഓരോ നിമിഷവും ജീവിക്കാൻ. സമൂ​ഹമാ​ധ്യ​മ​ങ്ങ​ളി​ല്‍ കൃ​ത്രി​മ​മാ​യി സൃഷ്​ടി​ച്ചെ​ടു​ക്കു​ന്ന രാ​ഷ്​ട്രീ​യ ശ​രി​ക​ള്‍ക്ക​പ്പു​റം, സ്ത്രീവി​രു​ദ്ധ​ത ഉള്ളില്‍ പ്പേ​റുന്ന രാ​ഷ്​ട്രീയ മാ​ണ് കേ​ര​ള​ത്തി​ലെ എ​ല്ലാ മു​ഖ്യ​ധാ​ര സംഘടനകൾക്കും പാർട്ടികള്‍ക്കു​മു​ള്ള​ത് എന്നും മുഫീദ തെസ്നി അഭിപ്രായപ്പെട്ടു.

ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ്  ന്റെ WhatsApp  ഗ്രൂപ്പിൽ അംഗമാവുക !

Read Also: