തിരുവനന്തപുരം: കെ റെയില്‍ സില്‍വര്‍ ലൈന്‍ പദ്ധതിയെ കുറിച്ച്‌ സംഘടിപ്പിക്കുന്ന സംവാദം ഇന്ന്.
രാവിലെ 11ന് തിരുവനന്തപുരത്തുളള ഹോട്ടല്‍ താജ് വിവാന്തയിലാണ് സംവാദ പരിപാടി. പദ്ധതിയെ അനുകൂലിക്കുന്ന മൂന്ന് പേരും എതിര്‍ക്കുന്ന പാനലില്‍ ഒരാളുമാണ് ഉള്ളത്.
ഡോ ആര്‍ വി ജി മേനോന് ആണ് പദ്ധതിയെ എതിര്‍ക്കുന്ന പാനലിലുള്ളത്. അനുകൂലിക്കുന്ന പാനലില്‍ റിട്ട റെയില്‍വേ ബോര്‍ഡ് മെമ്ബര്‍ സുബോധ് കുമാര്‍ ജയിന്‍, കേരള സാങ്കേതിക സര്‍വകലാശാല മുന്‍ വൈസ് ചാന്‍സലര്‍ ഡോ കുഞ്ചെറിയ പി ഐസക്, ട്രിവാന്‍ഡ്രം ചേംബര്‍ ഓഫ് കൊമേഴ്സ് ആന്റ് ഇന്‍ഡസ്ട്രീസ് പ്രസിഡന്റ് എസ്‌എന്‍ രഘുചന്ദ്രന്‍ നായര്‍ എന്നിവരാണ് ഉള്ളത്.
ആര്‍ വി ജി മേനോന് കൂടുതല്‍ സമയം അനുവദിക്കും
എതിര്‍‌ക്കുന്നവരുടെ പാനലില്‍ ഉണ്ടായിരുന്ന അലോക് കുമാര്‍ വര്‍മ്മ സര്‍ക്കാര്‍ നേരിട്ട് ക്ഷണിക്കാത്തതിനാല്‍ സ്വയം പിന്‍മാറിയിരുന്നു. ജോസഫ് സി മാത്യുവിനെ ഒഴിവാക്കുകയും ചെയ്തു. പരിസ്ഥിതി പ്രവര്‍ത്തകന്‍ ശ്രീധര്‍ രാധാകൃഷ്ണനെയാണ് പകരം നിശ്ചയിച്ചത്. എന്നാല്‍ കെ റെയില്‍ സംഘാടകരായതിനെ തുടര്‍ന്ന് പിന്‍മാറി. പദ്ധതിയെ എതിര്‍ക്കുന്ന ഒരാള്‍ മാത്രമാകും സംവാദത്തിലുണ്ടാവുക എന്നത് വിമര്‍ശനത്തിനിടയായി കഴിഞ്ഞു.
പദ്ധതിയെ എതിര്‍ത്ത് സംസാരിക്കുന്ന ആര്‍ വി ജി മേനോന് കൂടുതല്‍ സമയം അനുവദിക്കും. നാഷണല്‍ അക്കാദമി ഓഫ് ഇന്ത്യന്‍ റെയില്‍വേസില്‍ നിന്ന് വിമരിച്ച സീനിയര്‍ പ്രൊഫസര്‍ മോഹന്‍ എ മേനോന് ആണ് മോഡറേറ്റര്‍. സംവാദത്തിലേക്ക് ക്ഷണിക്കപ്പെട്ട വ്യക്തികള്‍ക്ക് മാത്രമായിരിക്കും പ്രവേശനം.
Content Highlights: Silverline Debate Today; Only one person to oppose
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !