ഹമാസ് ഭീകരര് ആണെങ്കില് ഇസ്രയേല് കൊടും ഭീകരര് ആണെന്ന് കെടി ജലീല് എംഎല്എ. ഹിറ്റ്ലര് ജൂതരോട് കാണിച്ച അതേ ക്രൂരതയാണ് ഇസ്രയേല് പലസ്തീനികളോട് കാണിക്കുന്നത് എന്ന് ജലീല് ഫെയ്സ്ബുക്ക് പോസ്റ്റില് കുറിച്ചു.
കഴിഞ്ഞ ദിവസം, ഇസ്രയേലില് ഹമാസ് നടത്തിയത് ഭീകരാക്രമണം ആണെന്ന് വിശേഷിപ്പിച്ച് മുന് മന്ത്രി കെകെ ശൈലജ രംഗത്തുവന്നിരുന്നു. ഇതിനുള്ള പരോക്ഷ മറുപടിയാണ് ജലീലിന്റേത് എന്നാണ് സോഷ്യല് മീഡിയയില് ചര്ച്ച ഉയര്ന്നിരിക്കുന്നത്.
'അധികാര ഭ്രാന്തിന്റെയും പണക്കൊതിയുടെയും അനന്തരഫലമാണ് യുദ്ധങ്ങള്. നിഷ്കളങ്കരായ അനേകം മനുഷ്യര് ഓരോ യുദ്ധത്തിലും കുരുതി കൊടുക്കപ്പെടുന്നു. ബോംബാക്രമണത്തില് പൊള്ളിക്കരിഞ്ഞ കുഞ്ഞുടലുകള് നമ്മുടെ ഉറക്കം കെടുത്തുന്നു. ഇസ്രയേലിന്റെ ജനവാസ മേഖലയില് ഹമാസ് ഭീകരര് നടത്തിയ ആക്രമണത്തെ മനഃസ്സാക്ഷിയുള്ളവരെല്ലാം അപലപിക്കും. അതോടൊപ്പം 1948 മുതല് പലസ്തീന് ജനത അനുഭവിച്ചുകൊണ്ടിരിക്കുന്നത് ഇതേ തോതിലുള്ള ഭീകരതയാണെന്നും അതിനു കാരണക്കാര് ഇസ്രയേലും അവര്ക്ക് പിന്തുണ നല്കുന്ന സാമ്രാജ്യത്വ ശക്തികളുമാണെന്ന യാഥാര്ഥ്യം മറച്ചുവെക്കാന് കഴിയില്ല.മുതലാളിത്ത ലാഭക്കൊതിയുടെ സൃഷ്ടിയായ യുദ്ധങ്ങളില് പിടഞ്ഞുവീഴുന്ന മനുഷ്യരെ നോക്കി നെടുവീര്പ്പിടുക മാത്രമല്ല പ്രതിഷേധിക്കുക കൂടിചെയ്യുകയാണ് നമ്മുടെ ഉത്തരവാദിത്വം' കെ കെ ശൈലജ ഫെയ്സ്ബുക്ക് പോസ്റ്റില് കുറിച്ചു.കെകെ ശൈലജയുടെ പോസ്റ്റിന് താഴെ, ഹമാസ് ഇസ്രയേല് അനൂകുലികള് തമ്മില് പോര് നടന്നിരുന്നു.
മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ഏറ്റവും പുതിയ വാർത്തകൾ:
Content Highlights: 'If Hamas are terrorists, then Israel is terrorists'; KT Jaleel with indirect criticism against KK Shailaja
ഏറ്റവും പുതിയ വാർത്തകൾ:
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !