അര്ജന്റീന ഫുട്ബോള് ടീമിനെ കേരളത്തിലേക്ക് ക്ഷണിക്കാന് കായിക മന്ത്രി വി അബ്ദുറഹ്മാന് നാളെ സ്പെയിനിലേക്ക് പുറപ്പെടും. മാഡ്രിഡില് എത്തുന്ന മന്ത്രി വി അബ്ദുറഹിമാനും സംഘവും അര്ജന്റീന ഫുട്ബോള് പ്രതിനിധികളുമായി ചര്ച്ച നടത്തും.
നാളെ പുലര്ച്ചെ മന്ത്രി സ്പെയിനിലേക്ക് പുറപ്പെടുമെന്ന് മന്ത്രിയുടെ ഓഫീസ് അറിയിച്ചു. മന്ത്രിക്കൊപ്പം കായിക വകുപ്പ് ഡയറക്ടറും സെക്രട്ടറിയും സ്പെയിനിലേക്ക് പോകുന്നുണ്ട്. മാഡ്രിഡിലെത്തുന്ന അബ്ദുല് റഹ്മാന്റെ നേതൃത്വത്തിലുള്ള സംഘം അര്ജന്റീന് ഫുട്ബോള് പ്രതിനിധികളുമായി ചര്ച്ച നടത്തും.
അര്ജന്റീന ടീം കഴിഞ്ഞ ലോകകപ്പ് കിരീടം നേടിയപ്പോള് തന്നെ കേരളത്തിലേക്ക് ടീമിനെ എത്തിക്കാന് ശ്രമിക്കുമെന്ന് സര്ക്കാര് വ്യക്തമാക്കിയിരുന്നു. ഇതിന്റെ ഭാഗമായാണ് മന്ത്രിയുടെ നേതൃത്വത്തില് ഉന്നതതല സംഘം സ്പെയിനിലേക്ക് പോകുന്നത്.
കേരളത്തിൽ ഏറെ ആരാധകരുള്ള ഫുട്ബോൾ ടീമാണ് അർജൻ്റീന. കേരളത്തിലെ ലോകകപ്പ് ആവേശം അന്താരാഷ്ട്ര തലത്തിൽ തന്നെ വാർത്തയായിരുന്നു. ലോകകപ്പ് വിജയത്തിന് പിന്നാലെ അര്ജന്റീന ഫുട്ബോള് അസോസിയേഷന് കേരളത്തെയടക്കം പരാമര്ശിച്ച് നന്ദിയറിയിച്ചിരുന്നു. മുഖ്യമന്ത്രി പിണറായി വിജയന് ഡല്ഹിയില് അര്ജന്റീന അംബാസഡറെ സന്ദർശിച്ച് സംസ്ഥാനത്ത് ഫുട്ബോള് വികസനത്തിന് അര്ജന്റീനയുമായി സഹകരിക്കുന്നതിനുള്ള താത്പര്യം അറിയിച്ചിരുന്നു. 2011 ൽ മെസി ഉൾപ്പെടുന്ന അർജന്റീന ടീം കൊൽക്കത്തയിൽ കളിച്ചിട്ടുണ്ട്. അർജന്റീന - വെനസ്വേല മത്സരം കാണാൻ കൊൽക്കത്തയിലെ സാൾട്ട്ലേക്ക് സ്റ്റേഡിയത്തിൽ 85000 പേരാണ് എത്തിയത്.
Content Summary: Argentina football team will be invited to Kerala; Sports Minister and team to Spain
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !