മാലി: അവധി ആഘോഷിക്കാന്‍ മാലദ്വീപിലെത്തിയ യുവതിക്ക് സ്രാവിന്റെ കടിയേറ്റു. ട്രാവല്‍ വ്‌ളോഗറായ ചാള്‍സിനാണ് സ്രാവിന്റെ കടിയേറ്റത്. സംഭവത്തിന്റെ ദൃശ്യങ്ങള്‍ ചാള്‍സും ആന്റോണിയോയും ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. പരിക്ക് ഗുരുതരമല്ല.
അവധി ആഘോഷിക്കുന്നതിനുവേണ്ടിയാണ് ഇരുവരും മാലദ്വീപില്‍ എത്തിയത്. വലിയ സ്രാവുകളും ട്യൂണ പോലുള്ള ചെറിയ മത്സ്യങ്ങളുമുള്ള പൂളില്‍ നീന്തുകയായിരുന്നു ചാള്‍സ്. അപ്രതീക്ഷിതമായി ചാള്‍സിന്റെ കയ്യില്‍ സ്രാവ് കടിക്കുകയായിരുന്നു. പെട്ടെന്ന് തന്നെ ചാള്‍സ്് കൈ പിന്‍വലിച്ചു. അതുകൊണ്ട് മാത്രമാണ് വലിയ അപകടം ഒഴിവായത്. മുറിവില്‍ നിന്ന് ചെറിയ രീതിയില്‍ രക്തം ഒഴുകുന്നതും സ്രാവിന്റെ കടിയേറ്റ ചാള്‍സിനെ ഡോക്ടര്‍ പരിശോധിക്കുന്നതും ദൃശ്യങ്ങളിലുണ്ട്.
സംഭവത്തിന്റെ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിച്ചതോടെ നിരവധിപേരാണ് പോസ്റ്റില്‍ കമന്റുമായെത്തിയത്. ചാള്‍സ് അറിഞ്ഞുകൊണ്ട് കൈ സ്രാവിന്റെ വായിലിട്ടതാണ് എന്ന രീതിയില്‍ കമന്റിട്ടവരുമുണ്ട്.
Video Source:
Content Summary: Woman in Maldives on holiday gets bitten by shark; video goes virall
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !