കുറ്റിപ്പുറം: നൂറു കണക്കിന് കുടുംബങ്ങൾക്ക് ദുരിതം തീർത്ത് കുറ്റിപുറം പഞ്ചായത്തിൽ തുടരുന്ന രൂക്ഷമായ കുടിവെള്ള പ്രശ്നത്തിന് പരിഹാരം കാണണമെന്നാവശ്യപെട്ട് ഗ്രാമപഞ്ചായത്ത് മെമ്പർമാർ കുറ്റിപ്പുറം പഞ്ചായത്ത് അസി.സെക്രട്ടറിയെ ഉപരോധിച്ചു.
ഗ്രാമ പഞ്ചായത്ത് മെമ്പർമാരായ കോമള ടീച്ചർ, കെ.എം. സരിത, ജയചിത്ര, റസീന എന്നീ മെമ്പർമാരാണ് കുറ്റിപ്പുറം പഞ്ചായത്ത് അസിസ്റ്റന്റ് സെക്രട്ടറിയെ ഉപരോധിച്ചത്. വിഷയത്തിൽ ഇടപെട്ട് അടിയന്തിര പരിഹാരം ഉണ്ടാകുമെന്ന് ഉറപ്പു ലഭിച്ചതിനെ തുടർന്നാണ് പഞ്ചായത്ത് മെമ്പർമാർ ഉപരോധം അവസാനിപ്പിച്ചത്.
പഞ്ചായത്തിലെ കുടിവെള്ള ക്ഷാമത്തിന് പരിഹാരം കാണണമെന്നാവശ്യപ്പെട്ട് CPI(M) നേതാക്കളും അസി.സെക്രട്ടറിയെ കണ്ട് വിഷയം അവതരിപ്പിച്ചു.
ഏരിയാ കമ്മറ്റി അംഗം സി.കെ ജയകുമാർ, നടുവട്ടം എൽ.സി സെക്രട്ടറി വി.കെ രാജേന്ദ്രൻ, ലോക്കൽ സെന്റർ അംഗം കെ.പി ഗോപാലൻ എന്നിവരാണ് അസി.സെക്രട്ടറിയെ സമീപിച്ചത്.
വിഷയത്തിൽ അടിയന്തിരമായി പരിഹാരം കാണണമെന്നും അല്ലാത്തപക്ഷം കുറ്റിപ്പുറംഗ്രാമ പഞ്ചായത്ത് ഓഫീസ് ഉപരോധിക്കുന്നതടക്കമുള്ള സമരങ്ങൾക്ക് പാർട്ടി നേതൃത്വം നൽകുമെന്നും നേതാക്കൾ പറഞ്ഞു.
Content Summary: Drinking water shortage is severe; Panchayat members besiege the Panchayat Secretary.. Incident in Kuttipuram
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !