പ്രമുഖ സ്മാര്ട്ട്ഫോണ് നിര്‍മ്മാതാക്കളായ റിയല്‍മിയുടെ മുന്‍ സിഇഒ മാധവ് ഷെത്തിന്റെ പുതിയ സംരംഭമായ എന്‍എക്‌സ്ടി ക്വാണ്ടം, പുതിയ സ്മാര്ട്ട്ഫോണ് ബ്രാന്‍ഡ് ഇന്ത്യന്‍ വിപണിയില്‍ അവതരിപ്പിച്ചു. എഐ+ സ്മാര്ട്ട്ഫോണ് എന്ന ബ്രാന്‍ഡ് നെയിമില്‍ അവതരിപ്പിച്ച ഫോണ്‍ പൂര്‍ണമായി തദ്ദേശമായി നിര്‍മ്മിച്ചതാണ് എന്ന് കമ്പനി അവകാശപ്പെടുന്നു.
വിദേശ നിര്‍മ്മിത സ്മാര്‍ട്ട്ഫോണുകള്‍ക്ക് പകരമായി ഒരു ബദല്‍ വാഗ്ദാനം ചെയ്യുക എന്നതാണ് ബ്രാന്‍ഡിന് പിന്നിലെ ആശയം എന്ന് മാധവ് ഷെത്ത് പറയുന്നു. എഐ+ സ്മാര്ട്ട്ഫോണ് പൂര്‍ണ്ണമായും ഇന്ത്യയിലാണ് നിര്‍മ്മിച്ചിരിക്കുന്നത്. കൂടാതെ രാജ്യത്തെ ആദ്യത്തെ സോവറീന്‍ മൊബൈല്‍ ഓപ്പറേറ്റിങ് സിസ്റ്റമെന്ന് കമ്പനി അവകാശപ്പെടുന്ന എന്‍എക്‌സ്ടി ക്വാണ്ടം ഒഎസ് ആണ് ഇതിന് കരുത്തുപകരുന്നതെന്നും മാധവ് ഷെത്ത് വ്യക്തമാക്കി.
എഐ+ സ്മാര്ട്ട്ഫോണ് നിരയില്‍ പള്‍സ്, നോവ 5ജി എന്നി രണ്ട് മോഡലുകള്‍ ഉള്‍പ്പെടുന്നു. ഓരോന്നിനും 6.7 ഇഞ്ച് എച്ച്ഡി+ ഡിസ്പ്ലേയുണ്ട്. T615, T8200 ചിപ്പുകള്‍ ഉപയോഗിച്ചാണ് ഈ ഫോണുകള്‍ പ്രവര്‍ത്തിക്കുന്നത്. കൂടാതെ 1TB വരെ വികസിപ്പിക്കാവുന്ന മെമ്മറി ഓപ്ഷനുകളും ഇതില്‍ സജ്ജീകരിച്ചിട്ടുണ്ട്. രണ്ട് മോഡലുകളിലും 50-മെഗാപിക്‌സല്‍ ഡ്യുവല്‍ എഐ കാമറ, 5,000mAh ബാറ്ററി, ഒരു സൈഡ് ഫിംഗര്‍പ്രിന്റ് സെന്‍സര്‍ എന്നിവയുമുണ്ട്. ഫോണുകള്‍ അഞ്ച് നിറങ്ങളില്‍ ലഭ്യമാണ്.
എഐ+ സ്മാര്ട്ട്ഫോണ് ഇപ്പോള്‍ ഫ്‌ലിപ്കാര്‍ട്ടില്‍ ലഭ്യമാണ്. 4499 രൂപയാണ് പള്‍സിന്റെ പ്രാരംഭ വില. നോവ 5ജിയുടെ വില 7,499 രൂപ മുതലാണ് ആരംഭിക്കുന്നത്. രണ്ട് മോഡലുകളും ജൂലൈ 12, ജൂലൈ 13 തീയതികളില്‍ നടക്കാനിരിക്കുന്ന ഫ്‌ലാഷ് സെയിലിന്റെ ഭാഗമാകും.
ഈ വാർത്ത കേൾക്കാം
Content Summary: Indian-made AI+ smartphone in the market, priced from Rs 4499...
| മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു.. |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !