മുതിർന്ന കോൺഗ്രസ് നേതാവ് പി.പി. തങ്കച്ചൻ അന്തരിച്ചു

കൊച്ചി: മുൻ കെ.പി.സി.സി. അധ്യക്ഷനും മുതിർന്ന കോൺഗ്രസ് നേതാവുമായ പി.പി. തങ്കച്ചൻ (86) അന്തരിച്ചു. വൈകീട്ട് 4:30-ന് ആലുവയിലെ ഒരു സ്വകാര്യ ആശുപത്രിയിൽ വെച്ചായിരുന്നു അന്ത്യം. ഏറെ നാളായി അസുഖബാധിതനായി ചികിത്സയിലായിരുന്നു.

മുൻ നിയമസഭാ സ്പീക്കർ, സംസ്ഥാന കൃഷിമന്ത്രി, ദീർഘകാലം യു.ഡി.എഫ്. കൺവീനർ തുടങ്ങിയ പദവികളും അദ്ദേഹം വഹിച്ചിട്ടുണ്ട്.

രാഷ്ട്രീയ ജീവിതം

1968-ൽ പെരുമ്പാവൂർ നഗരസഭയുടെ ചെയർമാനായിട്ടാണ് പി.പി. തങ്കച്ചൻ രാഷ്ട്രീയത്തിൽ സജീവമാകുന്നത്. ആ കാലഘട്ടത്തിൽ രാജ്യത്തെ ഏറ്റവും പ്രായം കുറഞ്ഞ നഗരസഭാ ചെയർമാന്മാരിൽ ഒരാളായിരുന്നു അദ്ദേഹം. പിന്നീട് ഡി.സി.സി. അധ്യക്ഷനായി.

1982-ൽ പെരുമ്പാവൂരിൽ നിന്ന് ആദ്യമായി നിയമസഭയിലേക്ക് മത്സരിച്ച അദ്ദേഹം, 1987, 1991, 1996 വർഷങ്ങളിലും വിജയം തുടർന്നു. എന്നാൽ, 2001-ൽ സാജു പോളിനോടും 2006-ൽ എം.എം. മോനായിയോടും പരാജയപ്പെട്ടതിന് ശേഷം അദ്ദേഹം സജീവ രാഷ്ട്രീയത്തിൽ നിന്ന് പതിയെ പിൻവാങ്ങുകയായിരുന്നു. പിന്നീട് പാർട്ടിയുടെ പല ഉന്നത പദവികളും വഹിച്ചു.

ഈ വാർത്ത കേൾക്കാം

Content Summary: Senior Congress leader P.P. Thankachan passes away

മീഡിയവിഷൻ ലൈവ് വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..

ഏറ്റവും പുതിയ വാർത്തകൾ: