തിരുവനന്തപുരം: കോവിഡ് മൂന്നാം ഘട്ടം പ്രതിരോധിക്കാൻ ഡിജിറ്റൽ പാസ് അടക്കം പുതിയ സാധ്യതകൾ തേടി കേരളം. വിദേശത്ത് നിന്ന് മടങ്ങിയെത്തുന്നവർക്ക് ഡിജിറ്റൽ പാസ് ആണ് ഇതിൽ പ്രധാനപ്പെട്ടത്. വിദേശത്തുനിന്നുൾപ്പെടെ കേരളത്തിലേക്കുള്ള യാത്ര തുടങ്ങുമ്പോൾ തന്നെ മൊബൈൽ ഫോൺ വഴി വിവരം രജിസ്റ്റർ ചെയ്യണം. തുടർന്ന്, ഒാൺലൈനായി പാസ് ലഭിക്കും. ഇത് യാത്രയിൽ ഉടനീളം ഉപയോഗിക്കാൻ കഴിയും. ഇൗ ഡിജിറ്റൽ വിവരങ്ങൾ അടിസ്ഥാനപ്പെടുത്തി കേരളത്തിലെത്തുന്നവരെ ഉടൻ നിരീക്ഷണത്തിലേക്ക് മാറ്റാൻ കഴിയുമെന്നാണ് സർക്കാറിെൻറ വിലയിരുത്തൽ.
കോവിഡ് പ്രതിരോധത്തിനും അടിയന്തര ഇടപെടലുകൾക്കും റേഷൻ കാർഡുടമകളുടെ ഡിജിറ്റൽ വിവരങ്ങൾ അടിസ്ഥാനപ്പെടുത്തി ജിയോ മാപ്പും ഒാൺലൈൻ സംവിധാനവും തയാറാക്കുന്നുണ്ട്. വൈറസ് ബാധിതർ, സമ്പർക്ക വലയങ്ങളിലുള്ളവർ എന്നിവ മാപ്പിൽ അടയാളപ്പെടുത്തുകയും ഇത് കേന്ദ്രീകരിച്ച് സാേങ്കതിക സംവിധാനങ്ങളുടെ സഹായത്തോടെ പ്രതിരോധം ശക്തിപ്പെടുത്തുകയുമാണ് െഎ.ടി മിഷെൻറയും ആരോഗ്യ വകുപ്പിെൻറയും പ്രത്യേക ദൗത്യത്തിലൂടെ ലക്ഷ്യമിടുന്നത്.
ജനസംഖ്യയിൽ 90 ശതമാനത്തിെൻറയും ഡിജിറ്റൽ വിവരങ്ങൾ റേഷൻ ഡേറ്റാബേസിൽ ലഭ്യമാണ്. സംസ്ഥാനത്തെ റേഷൻ കടകളെല്ലാം തന്നെ ഡിജിറ്റൽ മാപ്പിൽ അടയാളപ്പെടുത്തിയിട്ടുമുണ്ട്. ഇതോടൊപ്പം ഒാരോ റേഷൻ കടയിൽനിന്നും സാധനം വാങ്ങുന്ന കുടുംബങ്ങളുടെ വയസ്സ് അടക്കം വിശദാംശങ്ങൾ ഡേറ്റാ ശേഖരത്തിൽ സമാഹരിച്ചിട്ടുണ്ട്. കുട്ടികൾ, 60 വയസ്സിന് മുകളിലുള്ളവർ, സ്ത്രീകൾ, തുടങ്ങി സൂക്ഷ്മവിവരങ്ങൾ പോലും ഇതിൽ ലഭ്യമാണ്. വിശാലമായ ഇൗ വിവരശേഖരത്തിൽ നിന്ന് പേരും വയസ്സും ഒഴികെ മറ്റ് വിശദാംശങ്ങളെല്ലാം ഒഴിവാക്കിയാണ് കോവിഡ് പ്രതിരോധത്തിനുള്ള ജിയോ മാപ്പിങ്ങിനായി ഉപയോഗപ്പെടുത്തുക.
ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയ വിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക !
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !