പതിനഞ്ചാം കേരള നിയമസഭയുടെ ആദ്യ സമ്മേളനത്തിന് തുടക്കമായി. എംഎൽഎമാരുടെ സത്യപ്രതിജ്ഞയാണ് ഇന്ന് നടക്കുക. പ്രോടേം സ്പീക്കർ പിടിഎ റഹീമിന് മുമ്പാകെയാണ് എംഎൽഎമാർ സത്യപ്രതിജ്ഞ ചെയ്യുന്നത്.
അക്ഷരമാലാ ക്രമത്തിലാണ് അംഗങ്ങൾ സത്യപ്രതിജ്ഞക്കെത്തുന്നത്. കെ ബാബു, എ വിൻസെന്റ് എന്നീ എംഎൽഎമാർ ഇന്ന് സഭയിലെത്തിയിട്ടില്ല. ഇവർ കൊവിഡ് ക്വാറന്റൈനിലാണ്. ഇവരുടെ സത്യപ്രതിജ്ഞ പിന്നീട് സ്പീക്കറുടെ ചേംബറിൽ നടക്കും.
സഭയിൽ ഇന്ന് സത്യപ്രതിജ്ഞ ചെയ്യുന്നവരിൽ 53 പേർ പുതുമുഖങ്ങളാണ്. പതിനാലാം നിയമസഭയിലെ 75 അംഗങ്ങൾ വീണ്ടും തെരഞ്ഞെടുക്കപ്പെട്ടിട്ടുണ്ട്. 12 പേർ അതിന് മുമ്പുള്ള നിയമസഭകളിൽ അംഗമായിരുന്നവരാണ്. സഭയിൽ ഉള്ളവരിൽ ഏറ്റവും സീനിയർ ഉമ്മൻ ചാണ്ടിയാണ്. തുടർച്ചയായ 12ാം തവണയാണ് ഉമ്മൻ ചാണ്ടി സഭയിലെത്തുന്നത്.
നാളെയാണ് സ്പീക്കർ തെരഞ്ഞെടുപ്പ്. എം ബി രാജേഷാണ് ഇടതുപക്ഷത്തിന്റെ സ്പീക്കർ സ്ഥാനാർഥി. പി സി വിഷ്ണുനാഥ് യുഡിഎഫിന്റെ സ്പീക്കർ സ്ഥാനാർഥിയാകും. 26, 27 തീയതികളിൽ സഭ ചേരില്ല. 28ന് ഗവർണറുടെ നയപ്രഖ്യാപനം. ജൂൺ 4നാണ് ബജറ്റ് അവതരണം.
| ഏറ്റവും പുതിയ വാർത്തകളും വിശേഷങ്ങളും അറിയാൻ മീഡിയവിഷൻ ലൈവ് ന്റെ WhatsApp ഗ്രൂപ്പിൽ അംഗമാവുക ! |
|---|
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !