മീഡിയ സെല്‍ നിയോഗിക്കുന്ന പാര്‍ട്ടിയിലെ വക്താക്കള്‍ക്കും പാനല്‍ അംഗങ്ങള്‍ക്കും മാത്രമെ ഇനി ചര്‍ച്ചകളില്‍ പങ്കെടുക്കുവാന്‍ അധികാരമുണ്ടാവുകയുള്ളൂ. മറ്റ് മതങ്ങളെയോ, അവരുടെ ചിഹ്നങ്ങളെയോ, വ്യക്തികളെയോ വിമര്‍ശിക്കുന്നതിനെതിരെ വക്താക്കള്‍ക്ക് ബിജെപി മുന്നറിയിപ്പ് നല്‍കിയിട്ടുണ്ട്. ചര്‍ച്ചകള്‍ അതിരുകടക്കാന്‍ പാടില്ലെന്നും നേതാക്കള്‍ക്ക് പാര്‍ട്ടി നിര്‍ദ്ദേശം നല്‍കി. സംസാരിക്കുമ്പോള്‍ സംയമനം പാലിക്കണമെന്നും പ്രകോപിതരാകുകയോ ആവേശഭരിതരാകുകയോ ചെയ്യരുതെന്നും പാര്‍ട്ടിയുടെ പ്രത്യയശാസ്ത്രവും ആദര്‍ശങ്ങളും ലംഘിക്കരുതെന്നും നേതാക്കളോട് നിര്‍ദ്ദേശിക്കുന്നു.
ചാനല്‍ ചര്‍ച്ചകളില്‍ തങ്ങള്‍ക്ക് ലഭിച്ച വിഷയത്തെക്കുറിച്ച് ആദ്യം പരിശോധിക്കുകയും വിവരങ്ങള്‍ ശേഖരിക്കുകയും വേണം. പാര്‍ട്ടിയുടെ നയം എന്താണെന്ന് മനസിലാക്കിയതിന് ശേഷം മാത്രമെ വിഷയത്തില്‍ അഭിപ്രായം പ്രകടിപ്പിക്കാവൂ. വക്താക്കള്‍ സര്‍ക്കാരിന്റെ സാമൂഹ്യക്ഷേമ പ്രവര്‍ത്തനങ്ങളില്‍ കൂടി ശ്രദ്ധ കേന്ദ്രീകരിക്കണമെന്നും ബിജെപി നിര്‍ദേശിക്കുന്നു.
പാര്‍ട്ടിയില്‍ നിന്നും സസ്പെന്‍ഡ് ചെയ്യപ്പെട്ട വക്താവ് നൂപുര്‍ ശര്‍മ്മയെ ചുറ്റിപ്പറ്റിയുള്ള തര്‍ക്കം പരിഹരിക്കാനുള്ള തീവ്രശ്രമത്തിലാണ് ബിജെപി. എല്ലാ മതങ്ങളേയും ബഹുമാനിക്കുന്നുവെന്ന് വ്യക്തമാക്കിയ പാര്‍ട്ടി, ഭാരവാഹികള്‍ നടത്തിയ അഭിപ്രായപ്രകടനങ്ങളെ തള്ളുന്നതായും പറഞ്ഞിരുന്നു. നൂപുര്‍ ശര്‍മ്മയെ സസ്പെന്‍ഡ് ചെയ്തപ്പോള്‍ മറ്റൊരു വക്താവ് നവീന്‍ കുമാര്‍ ജിന്‍ഡാലിനെ മുഹമ്മദ് നബിയെക്കുറിച്ചുള്ള പരാമര്‍ശങ്ങളുടെ പേരില്‍ പാര്‍ട്ടിയില്‍ നിന്ന് പുറത്താക്കി.
ഖത്തര്‍, കുവൈറ്റ്, യുഎഇ, പാകിസ്ഥാന്‍, മാലിദ്വീപ്, ഇന്തോനേഷ്യ തുടങ്ങി രാജ്യങ്ങള്‍ ബിജെപി വക്താവ് നടത്തിയ പരാമര്‍ശത്തെ ശക്തമായി അപലപിച്ച് രംഗത്തെത്തിയിരുന്നു.
Content Highlights: The BJP has imposed restrictions on members in channel discussions
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !