ജിസിസി ഡ്രൈവിങ് ലൈസന്‍സ് ഉള്ളവര്‍ക്ക് ഖത്തറില്‍ ഡ്രൈവിങ് ലൈസന്‍സ് എടുക്കാന്‍ ഇനി എളുപ്പം. ഇവര്‍ക്ക് ഡ്രൈവിങ് കോഴ്‌സ് ചെയ്യാതെ തന്നെ നേരിട്ട് ഡ്രൈവിങ് ടെസ്റ്റിന് അപേക്ഷിക്കാം. ജിസിസി ലൈസന്‍സ് ഉള്ളവര്‍ ഖത്തറിലേക്ക് സന്ദര്‍ശനത്തിനെത്തിയാല്‍ അവര്‍ക്ക് മൂന്ന് മാസം വരെ രാജ്യത്ത് വാഹനം ഓടിക്കാം. എന്നാല്‍ അധികൃതര്‍ ആവശ്യപ്പെടുന്ന പക്ഷം ഖത്തറില്‍ പ്രവേശിച്ച സമയം വ്യക്തമാക്കുള്ള രേഖകള്‍ ഇവര്‍ ഹാജരാക്കണം. ഇതിനായി പാസ്‌പോര്‍ട്ട് അല്ലെങ്കില്‍ എന്‍ട്രി വിസ രേഖകള്‍ കയ്യില്‍ സൂക്ഷിക്കണമെന്നും നിര്‍ദ്ദേശമുണ്ട്.
ഖത്തറില്‍ ഡ്രൈവിങ് ലൈസന്‍സ് എടുക്കാന്‍ ഡ്രൈവിങ് കോഴ്‌സിന് ചേരണമെന്നാണ് നിയമം. എന്നാല്‍ ജിസിസി ഡ്രൈവിങ് ലൈസന്‍സ് ഉള്ളവര്‍ക്ക് ഇളവ് അനുവദിച്ചതോടെ മലയാളികള്‍ ഉള്‍പ്പെടെയുള്ള പ്രവാസികള്‍ക്ക് ഇത് ഗുണം ചെയ്യും. ഖത്തര്‍ ജനറല്‍ ഡയറക്ടറേറ്റ് ഓഫ് ട്രാഫിക്കിലെ ഫസ്റ്റ് ലെഫ്‌നന്റ് മുഹമ്മദ് അല്‍ അംരി ഖത്തര്‍ ടിവിയുമായുള്ള അഭിമുഖത്തിലാണ് ഇക്കാര്യം വ്യക്തമാക്കിയത്.
Content Highlights: ജിസിസി ഡ്രൈവിങ് ലൈസന്‍സുണ്ടോ? ഖത്തറില്‍ ഡ്രൈവിങ് കോഴ്‌സ് വേണ്ട
വായനക്കാരുടെ അഭിപ്രായങ്ങള്‍ തൊട്ടുതാഴെയുള്ള കമന്റ് ബോക്‌സില്‍ പോസ്റ്റ് ചെയ്യാം. അശ്ലീല കമന്റുകള്‍, വ്യക്തിഹത്യാ പരാമര്‍ശങ്ങള്‍, മത, ജാതി വികാരം വ്രണപ്പെടുത്തുന്ന കമന്റുകള്‍, രാഷ്ട്രീയ വിദ്വേഷ പ്രയോഗങ്ങള്‍ എന്നിവ കേന്ദ്ര സര്‍ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്‍ണ്ണ ഉത്തരവാദിത്തം രചയിതാവിനായിരിക്കും !