ലീഗ് വർഗീയ പാർട്ടി അല്ലെന്നത് കേരളത്തിന്റെയാകെ അഭിപ്രായമാണെന്ന് സാദിഖലി തങ്ങൾ

ലീഗ് വർഗീയ പാർട്ടി അല്ലെന്നത് യാഥാർഥ്യമെന്ന് പാണക്കാട് സാദിഖലി ശിഹാബ് തങ്ങൾ. സിപിഎമ്മിന്റെ മാത്രമല്ല, കേരളത്തിന്റെയാകെ അഭിപ്രായമാണത്. എംവി ഗോവിന്ദൻ പറഞ്ഞത് ക്ഷണമായി കാണുന്നില്ല. ലീഗ് യുഡിഎഫിന്റെ അഭിവാജ്യ ഘടകമാണെന്നും സാദിഖലി തങ്ങൾ പറഞ്ഞു

ലീഗ് വർഗീയ കക്ഷിയല്ലെന്നും മികച്ച ജനാധിപത്യ പാർട്ടിയാമെന്നും സിപിഎം സംസ്ഥാന സെക്രട്ടറി എംവി ഗോവിന്ദൻ ഇന്നലെ പറഞ്ഞിരുന്നു. ഇത് എൽഡിഎഫിലേക്കുള്ള ക്ഷണമാണെന്ന് വിലയിരുത്തപ്പെട്ടിരുന്നു. ഇതോടെ പ്രതികരണങ്ങളെല്ലാം കരുതലോടെയാണ് ലീഗ് നേതാക്കൾ നടത്തുന്നത്

എംവി ഗോവിന്ദന്റെ പ്രസ്താവനക്ക് മറ്റ് വ്യാഖ്യാനം നൽകേണ്ടെന്ന് പി കെ കുഞ്ഞാലിക്കുട്ടിയും പറഞ്ഞു. ഏകീകൃത സിവിൽകോഡിൽ കോൺഗ്രസ് ശ്രദ്ധിക്കണം. വഹാബിന്റെ രാജ്യസഭയിലെ വിമർശനം പോസീറ്റീവായി കണ്ടാൽ മതിയെന്നും കുഞ്ഞാലിക്കുട്ടി പറഞ്ഞു.

Content Highlights: Sadikhali Thangal said that it is the opinion of the whole of Kerala that the League is not a communal party

ഏറ്റവും പുതിയ വാർത്തകൾ: