പാരീസ്: വിസാ നിയന്ത്രണത്തെ തുടര്ന്ന് ഒരു വര്ഷത്തോളമായി നീണ്ടുനിന്നിരുന്ന ഫ്രാന്സ് - മൊറോക്കോ തര്ക്കം അവസാനിച്ചു. മൊറോക്കോയുമായുള്ള ബന്ധം സാധാരണ നിലയില് പുനഃസ്ഥാപിച്ചതായി ഫ്രഞ്ച് വിദേശകാര്യ മന്ത്രി കാതറിന് കൊളോണ പറഞ്ഞു.
ഖത്തര് ലോകകപ്പ് ഫുട്ബോളില് ഫ്രാന്സും മൊറോക്കോയും തമ്മിലുള്ള സെമിഫൈനല് പോരാട്ടം നടന്ന് രണ്ടു ദിവസത്തിന് ശേഷമാണ് ഇത്തരമൊരു പ്രഖ്യാപനം വന്നിട്ടുള്ളത്. ഫ്രഞ്ച് പ്രസിഡന്റ് ഇമ്മാനുവല് മാക്രോണ് അടുത്തവര്ഷം ആദ്യ മൊറോക്കോ സന്ദര്ശിച്ചേക്കുമെന്നും കാതറിന് കൊളോണ വ്യക്തമാക്കി.
'ഒരു പുതിയ പേജ് ഒരുമിച്ച് എഴുതുന്നു'വെന്നും മൊറോക്കോ വിദേശകാര്യ മന്ത്രി നാസര് ബൗറിറ്റയുമായി കൂടിക്കാഴ്ച നടത്തിയ ശേഷം അവര് പറഞ്ഞു.
ഫ്രാന്സില് ക്രമരഹിത കുടിയേറ്റക്കാരായി താമസിക്കുന്ന പൗരന്മാരെ മടക്കി കൊണ്ടുവരുന്നതിന് മൊറോക്ക വിസമ്മതിച്ചതിനെ തുടര്ന്ന് മൊറോക്കക്കാര്ക്കുള്ള വിസ ക്വാട്ട പകുതിയായി കുറച്ചിരുന്നു. ഇതുമായി ബന്ധപ്പെട്ട് 2021 സെപ്റ്റംബര് മുതല് ഇരു രാജ്യങ്ങളും തമ്മില് തര്ക്കത്തിലായിരുന്നു.
.webp)
ഫ്രാന്സ്-മൊറോക്കോ വിദേശകാര്യ മന്ത്രിമാര്
ഇരു രാജ്യങ്ങളും തമ്മിലുള്ള ലോകകപ്പ് ഫുട്ബോള് മത്സരത്തിന് ശേഷം ഫ്രഞ്ച് പ്രസിഡന്റ് മാക്രോണും മൊറോക്കന് രാജാവും തമ്മില് ഫോണിലൂടെ സംസാരിക്കുകയും പരസ്പരം ആശംസകളറിയിക്കുകയും ചെയ്തിരുന്നു. മത്സരത്തില് ഫ്രാന്സ് 2-0ന് മൊറോക്കോയെ പരാജയപ്പെടുത്തി. ലോകകപ്പ് ഫുട്ബോളില് സെമിഫൈനലില് പ്രവേശിക്കുന്ന ആദ്യ ആഫ്രിക്കന് രാജ്യം കൂടിയാണ് മൊറോക്കോ. ഒട്ടേറെ അട്ടിമറി വിജയങ്ങള് നേടിയാണ് അവര് ടൂര്ണ്ണമെന്റിന്റെ അവസാന നാലില് പ്രവേശിച്ചിരുന്നത്.
.webp)
ഇരു രാജ്യങ്ങളും തമ്മിലുള്ള ലോകകപ്പ് ഫുട്ബോള് മത്സരത്തിന് ശേഷം ഫ്രഞ്ച് പ്രസിഡന്റ് മാക്രോണും മൊറോക്കന് രാജാവും തമ്മില് ഫോണിലൂടെ സംസാരിക്കുകയും പരസ്പരം ആശംസകളറിയിക്കുകയും ചെയ്തിരുന്നു. മത്സരത്തില് ഫ്രാന്സ് 2-0ന് മൊറോക്കോയെ പരാജയപ്പെടുത്തി. ലോകകപ്പ് ഫുട്ബോളില് സെമിഫൈനലില് പ്രവേശിക്കുന്ന ആദ്യ ആഫ്രിക്കന് രാജ്യം കൂടിയാണ് മൊറോക്കോ. ഒട്ടേറെ അട്ടിമറി വിജയങ്ങള് നേടിയാണ് അവര് ടൂര്ണ്ണമെന്റിന്റെ അവസാന നാലില് പ്രവേശിച്ചിരുന്നത്.
Content Highlights: World Cup frozen: France lifts visa restrictions for Morocco
വായനക്കാരുടെ അഭിപ്രായങ്ങള് തൊട്ടുതാഴെയുള്ള കമന്റ് ബോക്സില് പോസ്റ്റ് ചെയ്യാം. അശ്ലീല കമന്റുകള്, വ്യക്തിഹത്യാ പരാമര്ശങ്ങള്, മത, ജാതി വികാരം വ്രണപ്പെടുത്തുന്ന കമന്റുകള്, രാഷ്ട്രീയ വിദ്വേഷ പ്രയോഗങ്ങള് എന്നിവ കേന്ദ്ര സര്ക്കാറിന്റെ ഐ ടി നിയമപ്രകാരം കുറ്റകരമാണ്. കമന്റുകളുടെ പൂര്ണ്ണ ഉത്തരവാദിത്തം രചയിതാവിനായിരിക്കും !